தமிழ்ப் புத்தாண்டு வாழ்த்து.
விசுவ(வா)வசு

சத்தியமணி 14 04 2025
ராகம். ஆனந்த பைரவி

பிறந்தாளே பிறந்தாளே சித்திரை பூமியில்
விஸ்வவசு பெயரோடு தான்
மலர்ந்தாளே தவழ்ந்தாளே நித்திரை எழுப்பியே
விசுவாசம் மணம்வீசும் தான்

திங்கட் கிழமை திவிதியை நன்னாளில்
மங்களம் பொங்கிவர நம்வாசல் வந்தாள்
அங்கம் மினுக்கும் தங்கம் அணிந்து
சுவாதியில் சிற்றாடைப் பெண்ணாய் நுழைந்தாள்
தெய்வங்களும் அருள் கூட்டுமே
முன்னோர்களின் வரம் சேருமே
இந்நாளும் எந்நாளும் இன்பங்களே

வச்சிரம் யோகம் சைதுளைக் கரணமாய்
அச்சிராப் பள்ளி பிள்ளையும்
தடை போக்குவார்
மெச்சிப் புகழும் உச்சி குளிரும்
அன்போடு சுற்றமும்
களிப் பூட்டுவார்
மயிலோடு வேல் சிவனாருமே
உமையோடு ஏழு மலையானுமே
திருமகள் இல்லத்தில் அமர்ந்தார்களே