சிமாமந்த நைஜீரிய/அமெரிக்க எழுத்தாளர்.  இவரது நூல்கள் முப்பது மொழிகளுக்கு மேல் மொழிபெயர்ப்பு செய்யப்பட்டுள்ளன. இவர் நடத்தும் நைஜீரியாவின் வருடாந்திர எழுத்துப் பட்டறைக்கு உலகமெங்கிருந்தும் புதிதாக எழுத வரும் எழுத்தாளர்கள் கலந்து கொள்கிறார்கள். இவரது சமீபத்திய We Should All Be Feminists உலகமெங்கும் பேசப்பட்ட நூல். இவருடைய Purple Hibiscus மற்றும் Half of the Yellow Sun, Americanah முதலிய நூல்கள் இவருக்குப் பெரும்புகழை ஈட்டித் தந்தன.  இது இவரது மூன்றாவது நாவல்,  4th March 2025ல் வெளியாகியது.

2025 என் பிரியத்துக்குரிய எழுத்தாளர்களின் நூல்கள் வரும் ஆண்டு.  கிரண் தேசாயின் இரண்டாவது நாவல்இவ்வருடம், முதல் நாவலுக்கு இருபத்தேழு வருட இடைவெளிக்குப்பின் வருகின்றது.  Joyce Carol Oatesன் Fox நாவல் ஜூனில் வெளியாகிறது. இஸபெல்லா அலண்டே, ஹான் காங்,  அடிச்சி ஆகியோரின் நாவல்கள் வெளியாகியுள்ளன.  இவர்கள் மூவரின் நாவல்களுமே முந்தைய நாவலுக்கு ஒருபடியேனும் அதிகம் என்பது குறிப்பிடத்தக்க விஷயம்.  அடிச்சி அவருடைய Literary Superstar என்ற பட்டத்திற்கு மறுபடியும் நியாயம் கற்பித்திருக்கிறார்.

நான்கு பெண்களின் கதைகளின் தொகுப்பு இந்த நாவல்.  ஒருவருக்கொருவர் ஏதோ ஒரு வகையில் தொடர்புள்ளவர்கள், ஆனால் குணாதிசயத்தால் முற்றிலும் வேறுபட்டவர்கள்.  நால்வருமே ஆப்பிரிக்கப் பெண்கள், அமெரிக்காவிற்குப் புலம்பெயர்ந்தவர்கள் என்பது அவர்களுக்குள் இருக்கும் ஒற்றுமை.

கதாபாத்திரங்களின் குணாதிசயங்கள்:

1.  Chia ஒரு பாரம்பரியக் கதாநாயகி இல்லை.  அவள் குறைகளுள்ள, உணர்வு பூர்வமான, தனிமையும் தைரியமும் கொண்ட பெண்.  Chia ஒரு பெண்ணுக்கு சமூகம் வரைந்த வட்டத்திற்குள் தன்னை நிறுத்திக் கொள்ள விரும்பாத நவீனப்பெண்.  அவளுடைய கடந்தகால நான்குக்கும் மேற்பட்ட ஆணுறவுகளின் தோல்விக்கு அவளது நவீன சிந்தனைகளும் ஒரு காரணம்.

2.  Zikora காதலினினால் பாதிக்கப்பட்டவள்.  தாய்மையால் பலம் வாய்ந்தவளனாவள்.  காதலில் தோல்வி அவளை எதிர்காலச் சிந்தனைகளை பலப்படுத்தியது.  31 வயதாகியும் தகுந்த ஆண்துணை இல்லை என்று தோழியிடம் அழுத Zikora வேகமாக அந்தப்புள்ளியை விட்டு நகர்ந்து Corporate Lawyer என்ற பிம்பத்திற்குள் தன்னைச் செருகிக் கொண்டாள்.

3.  Omelogor இந்த நால்வரில் சிடுக்குகளுள்ள குணாதிசயம்.  மிகவும் வெற்றிகரமான Banker தொழிலையும், அபரிதமான செல்வத்தையும் விட்டு Pornography research, அமெரிக்காவில் MBA, Columnist என்று தனிப்பட்ட வாழ்க்கை போலவே அவளது தொழில்முறையிலும் பல மாறுதல்கள் ஏற்பட்டுக் கொண்டே இருக்கின்றன.

4.  Kadiatou நால்வரில் உங்களை அதிகம் கவரப்போகும் பாத்திரம்.  அவளது வெகுளித்தனம் மட்டும் அதற்குக் காரணமல்ல.  அவளது கதாபாத்திரம் அமெரிக்காவில் உண்மையில் மற்றொரு ஆப்பிரிக்கப் பெண்ணுக்கு நடந்த நிகழ்வை வைத்துச் சித்தரிக்கப்பட்டது.  மற்றவர்களை விட அவளே அதிகம் இரத்தமும் சதையுமாக நம்முன் நடக்கிறாள்.

நாவலின் கருப்பொருட்கள்:

1.  காதல்:

நால்வருமே காதல் வசப்படுகிறார்கள்.  சிலருக்குக் காதல் மறக்கமுடியாத பாடத்தைக் கற்பிக்கிறது, சிலரைப் பண்படுத்துகிறது,  சிலருக்கு தனிமையில் அசைபோட உதவியாய் இருக்கிறது.

2.  துயரம்:

Kadiatouவின் துயரமே எல்லோரையும் விடத் தீவிரமானது என்பது போல் மேற்பார்வைக்குத் தோன்றினாலும் எல்லாப் பெண்களுமே துயருகிறார்கள். துயரங்களை அவர்கள் எவ்வாறுஎதிர்கொள்கிறார்கள் என்பதில் மாறுபடுகிறார்கள்.

3.  தாய்மை:

அடிச்சியின் தாய் இறந்த பிறகு அவர் எழுதிய முதல்நாவல் இது.  தாய்மை நான்கு பெண்களின் அம்மாக்களின் உறவுகளிலுமே வருகின்றது. Zikora அவள் தாயானதும் விலக்கி வைத்த அம்மாவுடன் நெருக்கமாகிறாள். Kadiatouவிற்கு அவளது பதின்வயது மகள் அல்லல் போக்கும் தாயாகிறாள்.

4.  ஆப்பிரிக்க/முஸ்லீம் பெண்ணின் மாறும் அடையாளம்:

Chiaவே அவளது ஆப்பிரிக்க அடையாளத்தை முற்றிலும் துறந்து முழு அமெரிக்கனானவள்.  அல்லது அப்படி நம்புகிறவள்.  Kadiatou ஆப்பிரிக்க அடையாளத்தை மனதிலிறுத்தி எப்போது தன்னையும், பெண்ணையும் Deport செய்வார்களோ என்று அஞ்சுபவள்.  சொந்த ஊரில் படிப்பதற்கே குடும்பத்தார், அக்கம்பக்கத்தினர் அனுமதி வேண்டி நிற்கும் பெண் அமெரிக்காவில் பாரில் தனியாக நுழைந்ததும் புதுவகை பீர் அறிமுகமாகி இருக்கிறது என்று பணியாள் சொல்வதைக் கேட்பதைக் கலாச்சாரத்தாவல் எனும் சொல் நீதி செய்யுமா?

5.  Female bonding:

நால்வரையும் கண்ணுக்குத்தெரியாத கயிறு அன்பாகப் பிணைத்திருக்கிறது.  முதல் இருவரும் தோழிகள்.  மூன்றாமவள் கஸின்.  நான்காவது பெண் மற்ற மூவருக்கும் அறிமுகமானவளில்லை.  அவளது துயரம் மற்ற மூவருடன் ஒன்றாகச் சேர்க்கிறது.  Sisterhood.

6.  அமெரிக்க நீதி:

இதுவே நாவலில் மிகவும் முக்கியமான தீம்.  அமெரிக்கா தன்னை Nation for Free and Brave என்று விளம்பரப்படுத்திக் கொள்கிறது.  அமெரிக்கர்கள் கோழைகள்.  இந்த நாவலுக்கு சம்பந்தமில்லாததால் அதை விட்டு விடலாம். வேறெந்த நாட்டிலும் இல்லாத வகையில், அமெரிக்காவில் நீதி என்பது இழப்பீட்டுத் தொகையின் மதிப்பில் கணக்கிடப்படுவது.   எப்போது அப்பாவிப் பெண்ணுக்கு பலம்பொருந்திய ஆணை எதிர்த்து Free Justice வழங்கப்படுகிறதோ அப்போதே ஒரு நாடு தன்னைப் பெருமிதமாகச் சொல்லிக் கொள்ள முடியும்.  இல்லையெனில் நாட்டை நம்பிய பெண்ணை நாடு கைவிட்டதாகவே அர்த்தம்.

7. Feminism:

தங்கள் கதைகளில் Feminism கலந்திருக்கிறது என்பதை வெளித் தெரியாது இலக்கியத்தை முன்னிறுத்தி எழுதுபவர்களில் குறிப்பிடத் தக்கவர்கள் அடிச்சியும், அலண்டேயும்.  இந்த நாவலும் அதற்கு விதிவிலக்கல்ல.

விமர்சனப்பகுப்பு:

பன்னிரண்டு வருடங்கள் காத்திருப்பிற்குப்பின் வெளிவரும் நாவல் இது.  இலக்கிய ரசிகர்கள் எல்லோருக்குமான Literary treat இந்த நாவல்.

1. நாவலின் கட்டமைப்பை, நான்கு பெண்களின் கதைகளை, வேறுபடும் உணர்வுகளை, அகச்சிக்கல்களை வெளிப்படுத்த தன்மை, படர்க்கை இரண்டு வகை கதைசொல்லலையும் கையாண்டிருக்கிறார்.  Chia ஒரு Strong Lady.  அவளது கதை கடந்தகால நினைவுகளை நினைவுகூர்வது மூலம் சொல்லப்படுகிறது.  அதற்கு தன்மை கதைசொல்லி வாசகருடன் ஒரு அன்னியோன்யத்தை ஏற்படுத்த முடியும்.  Kadiatou தன்மையில் கதை சொன்னால் empathy ஏற்படுத்துதல் கடினம்.  அவளைக் கைக்கெட்டும் தூரத்தில் வைத்து நெருக்கமாக உணர Thirdperson narrative தேவைப்படுகிறது.

2.  அடிச்சியின் மொழி அவரது மற்ற நாவல்களை விட கவிதைத் தன்மை கலந்ததாக இதில் அமைந்திருக்கிறது.  குறிப்பாகத் துயரம், தனிமை போன்ற உணர்வுகள் வெளிப்படும் கட்டங்கள்.  அடிச்சி வழமை போலவே நைஜீரிய Idiomsஐ இந்த நாவலிலும் கலந்திருக்கிறார்.  மொழியின் மூலம் கதாபாத்திரங்களின் உணர்வுகளை வாசகர்களுக்குக் கடத்தும் தேர்ந்த எழுத்தாளர்களில் ஒருவர் அடிச்சி.

3.  Zikora கதாபாத்திரம் அதே பெயர் கொண்ட amazon original storiesல் வெளியான சிறுகதையில் வந்தவள். 

அதே கதாபாத்திரத்தின் குணாதிசயம் மாறாது நாவலில் இணைத்திருக்கிறார் அடிச்சி.

4.  Symbolism-  கனவு என்பது ஒத்திவைக்கப்பட்ட எதிர்பார்ப்பு,  ஒடுக்கப்பட்ட ஆசை, எதிர்காலத்தில் நிகழக்கூடும் என்ற நம்பிக்கை.  நாவலின் இடையில் அடிக்கடி வரும் Mask கோவிட்காலத்தை விட பெண்மை பேசமுடியாது வாய்மூடப்படுவதைக் குறிக்கிறது.

5.  நாவலில் அவர்கள் விருப்பமின்றி உடல்ரீதியாகவோ,  உளரீதியாகவோ பெண்கள் புலம்பெயர்ந்துகொண்டே இருக்கிறார்கள்.  அலைக்கழிப்பின் அழகியல் இந்த நாவல்.

6.  இந்த நாவலை எழுத முக்கியமான நோக்கமாக நான் கருதுவது பெண்களின் உணர்வுகள்,ஆசைகள், அபிலாஷைகள் முதலியவற்றை வெளிப்படுத்துவதுடன் ஆண்களின் கண்ணோட்டத்தில் அவர்கள் வெறும் கேளிக்கைப் பொருட்களாக மாறுவதும், அமெரிக்க நீதி என்பது கடிவாளம் போட்ட குதிரையாக நடந்து கொள்வதையும்,  ஆப்பிரிக்க மனம் அமெரிக்கக் கலாச்சாரத்தில் பதியமிடப்படுவதையும் கலந்து ஒரு இலக்கியவடிவமாகக் கொடுக்க அடிச்சி நினைத்திருக்க வேண்டும்.

சிமாமந்த நைஜீரிய/அமெரிக்க எழுத்தாளர்.  இவரது நூல்கள் முப்பது மொழிகளுக்கு மேல் மொழிபெயர்ப்பு செய்யப்பட்டுள்ளன. இவர் நடத்தும் நைஜீரியாவின் வருடாந்திர எழுத்துப் பட்டறைக்கு உலகமெங்கிருந்தும் புதிதாக எழுத வரும் எழுத்தாளர்கள் கலந்து கொள்கிறார்கள். இவரது சமீபத்திய We Should All Be Feminists உலகமெங்கும் பேசப்பட்ட நூல். இவருடைய Purple Hibiscus மற்றும் Half of the Yellow Sun, Americanah முதலிய நூல்கள் இவருக்குப் பெரும்புகழை ஈட்டித் தந்தன.  இது இவரது மூன்றாவது நாவல்,  4th March 2025ல் வெளியாகியது.

2025 என் பிரியத்துக்குரிய எழுத்தாளர்களின் நூல்கள் வரும் ஆண்டு.  கிரண் தேசாயின் இரண்டாவது நாவல்இவ்வருடம், முதல் நாவலுக்கு இருபத்தேழு வருட இடைவெளிக்குப்பின் வருகின்றது.  Joyce Carol Oatesன் Fox நாவல் ஜூனில் வெளியாகிறது. இஸபெல்லா அலண்டே, ஹான் காங்,  அடிச்சி ஆகியோரின் நாவல்கள் வெளியாகியுள்ளன.  இவர்கள் மூவரின் நாவல்களுமே முந்தைய நாவலுக்கு ஒருபடியேனும் அதிகம் என்பது குறிப்பிடத்தக்க விஷயம்.  அடிச்சி அவருடைய Literary Superstar என்ற பட்டத்திற்கு மறுபடியும் நியாயம் கற்பித்திருக்கிறார்.

நான்கு பெண்களின் கதைகளின் தொகுப்பு இந்த நாவல்.  ஒருவருக்கொருவர் ஏதோ ஒரு வகையில் தொடர்புள்ளவர்கள், ஆனால் குணாதிசயத்தால் முற்றிலும் வேறுபட்டவர்கள்.  நால்வருமே ஆப்பிரிக்கப் பெண்கள், அமெரிக்காவிற்குப் புலம்பெயர்ந்தவர்கள் என்பது அவர்களுக்குள் இருக்கும் ஒற்றுமை.

கதாபாத்திரங்களின் குணாதிசயங்கள்:

1.  Chia ஒரு பாரம்பரியக் கதாநாயகி இல்லை.  அவள் குறைகளுள்ள, உணர்வு பூர்வமான, தனிமையும் தைரியமும் கொண்ட பெண்.  Chia ஒரு பெண்ணுக்கு சமூகம் வரைந்த வட்டத்திற்குள் தன்னை நிறுத்திக் கொள்ள விரும்பாத நவீனப்பெண்.  அவளுடைய கடந்தகால நான்குக்கும் மேற்பட்ட ஆணுறவுகளின் தோல்விக்கு அவளது நவீன சிந்தனைகளும் ஒரு காரணம்.

2.  Zikora காதலினினால் பாதிக்கப்பட்டவள்.  தாய்மையால் பலம் வாய்ந்தவளனாவள்.  காதலில் தோல்வி அவளை எதிர்காலச் சிந்தனைகளை பலப்படுத்தியது.  31 வயதாகியும் தகுந்த ஆண்துணை இல்லை என்று தோழியிடம் அழுத Zikora வேகமாக அந்தப்புள்ளியை விட்டு நகர்ந்து Corporate Lawyer என்ற பிம்பத்திற்குள் தன்னைச் செருகிக் கொண்டாள்.

3.  Omelogor இந்த நால்வரில் சிடுக்குகளுள்ள குணாதிசயம்.  மிகவும் வெற்றிகரமான Banker தொழிலையும், அபரிதமான செல்வத்தையும் விட்டு Pornography research, அமெரிக்காவில் MBA, Columnist என்று தனிப்பட்ட வாழ்க்கை போலவே அவளது தொழில்முறையிலும் பல மாறுதல்கள் ஏற்பட்டுக் கொண்டே இருக்கின்றன.

4.  Kadiatou நால்வரில் உங்களை அதிகம் கவரப்போகும் பாத்திரம்.  அவளது வெகுளித்தனம் மட்டும் அதற்குக் காரணமல்ல.  அவளது கதாபாத்திரம் அமெரிக்காவில் உண்மையில் மற்றொரு ஆப்பிரிக்கப் பெண்ணுக்கு நடந்த நிகழ்வை வைத்துச் சித்தரிக்கப்பட்டது.  மற்றவர்களை விட அவளே அதிகம் இரத்தமும் சதையுமாக நம்முன் நடக்கிறாள்.

நாவலின் கருப்பொருட்கள்:

1.  காதல்:

நால்வருமே காதல் வசப்படுகிறார்கள்.  சிலருக்குக் காதல் மறக்கமுடியாத பாடத்தைக் கற்பிக்கிறது, சிலரைப் பண்படுத்துகிறது,  சிலருக்கு தனிமையில் அசைபோட உதவியாய் இருக்கிறது.

2.  துயரம்:

Kadiatouவின் துயரமே எல்லோரையும் விடத் தீவிரமானது என்பது போல் மேற்பார்வைக்குத் தோன்றினாலும் எல்லாப் பெண்களுமே துயருகிறார்கள். துயரங்களை அவர்கள் எவ்வாறுஎதிர்கொள்கிறார்கள் என்பதில் மாறுபடுகிறார்கள்.

3.  தாய்மை:

அடிச்சியின் தாய் இறந்த பிறகு அவர் எழுதிய முதல்நாவல் இது.  தாய்மை நான்கு பெண்களின் அம்மாக்களின் உறவுகளிலுமே வருகின்றது. Zikora அவள் தாயானதும் விலக்கி வைத்த அம்மாவுடன் நெருக்கமாகிறாள். Kadiatouவிற்கு அவளது பதின்வயது மகள் அல்லல் போக்கும் தாயாகிறாள்.

4.  ஆப்பிரிக்க/முஸ்லீம் பெண்ணின் மாறும் அடையாளம்:

Chiaவே அவளது ஆப்பிரிக்க அடையாளத்தை முற்றிலும் துறந்து முழு அமெரிக்கனானவள்.  அல்லது அப்படி நம்புகிறவள்.  Kadiatou ஆப்பிரிக்க அடையாளத்தை மனதிலிறுத்தி எப்போது தன்னையும், பெண்ணையும் Deport செய்வார்களோ என்று அஞ்சுபவள்.  சொந்த ஊரில் படிப்பதற்கே குடும்பத்தார், அக்கம்பக்கத்தினர் அனுமதி வேண்டி நிற்கும் பெண் அமெரிக்காவில் பாரில் தனியாக நுழைந்ததும் புதுவகை பீர் அறிமுகமாகி இருக்கிறது என்று பணியாள் சொல்வதைக் கேட்பதைக் கலாச்சாரத்தாவல் எனும் சொல் நீதி செய்யுமா?

5.  Female bonding:

நால்வரையும் கண்ணுக்குத்தெரியாத கயிறு அன்பாகப் பிணைத்திருக்கிறது.  முதல் இருவரும் தோழிகள்.  மூன்றாமவள் கஸின்.  நான்காவது பெண் மற்ற மூவருக்கும் அறிமுகமானவளில்லை.  அவளது துயரம் மற்ற மூவருடன் ஒன்றாகச் சேர்க்கிறது.  Sisterhood.

6.  அமெரிக்க நீதி:

இதுவே நாவலில் மிகவும் முக்கியமான தீம்.  அமெரிக்கா தன்னை Nation for Free and Brave என்று விளம்பரப்படுத்திக் கொள்கிறது.  அமெரிக்கர்கள் கோழைகள்.  இந்த நாவலுக்கு சம்பந்தமில்லாததால் அதை விட்டு விடலாம். வேறெந்த நாட்டிலும் இல்லாத வகையில், அமெரிக்காவில் நீதி என்பது இழப்பீட்டுத் தொகையின் மதிப்பில் கணக்கிடப்படுவது.   எப்போது அப்பாவிப் பெண்ணுக்கு பலம்பொருந்திய ஆணை எதிர்த்து Free Justice வழங்கப்படுகிறதோ அப்போதே ஒரு நாடு தன்னைப் பெருமிதமாகச் சொல்லிக் கொள்ள முடியும்.  இல்லையெனில் நாட்டை நம்பிய பெண்ணை நாடு கைவிட்டதாகவே அர்த்தம்.

7. Feminism:

தங்கள் கதைகளில் Feminism கலந்திருக்கிறது என்பதை வெளித் தெரியாது இலக்கியத்தை முன்னிறுத்தி எழுதுபவர்களில் குறிப்பிடத் தக்கவர்கள் அடிச்சியும், அலண்டேயும்.  இந்த நாவலும் அதற்கு விதிவிலக்கல்ல.

விமர்சனப்பகுப்பு:

பன்னிரண்டு வருடங்கள் காத்திருப்பிற்குப்பின் வெளிவரும் நாவல் இது.  இலக்கிய ரசிகர்கள் எல்லோருக்குமான Literary treat இந்த நாவல்.

1. நாவலின் கட்டமைப்பை, நான்கு பெண்களின் கதைகளை, வேறுபடும் உணர்வுகளை, அகச்சிக்கல்களை வெளிப்படுத்த தன்மை, படர்க்கை இரண்டு வகை கதைசொல்லலையும் கையாண்டிருக்கிறார்.  Chia ஒரு Strong Lady.  அவளது கதை கடந்தகால நினைவுகளை நினைவுகூர்வது மூலம் சொல்லப்படுகிறது.  அதற்கு தன்மை கதைசொல்லி வாசகருடன் ஒரு அன்னியோன்யத்தை ஏற்படுத்த முடியும்.  Kadiatou தன்மையில் கதை சொன்னால் empathy ஏற்படுத்துதல் கடினம்.  அவளைக் கைக்கெட்டும் தூரத்தில் வைத்து நெருக்கமாக உணர Thirdperson narrative தேவைப்படுகிறது.

2.  அடிச்சியின் மொழி அவரது மற்ற நாவல்களை விட கவிதைத் தன்மை கலந்ததாக இதில் அமைந்திருக்கிறது.  குறிப்பாகத் துயரம், தனிமை போன்ற உணர்வுகள் வெளிப்படும் கட்டங்கள்.  அடிச்சி வழமை போலவே நைஜீரிய Idiomsஐ இந்த நாவலிலும் கலந்திருக்கிறார்.  மொழியின் மூலம் கதாபாத்திரங்களின் உணர்வுகளை வாசகர்களுக்குக் கடத்தும் தேர்ந்த எழுத்தாளர்களில் ஒருவர் அடிச்சி.

3.  Zikora கதாபாத்திரம் அதே பெயர் கொண்ட amazon original storiesல் வெளியான சிறுகதையில் வந்தவள். 

அதே கதாபாத்திரத்தின் குணாதிசயம் மாறாது நாவலில் இணைத்திருக்கிறார் அடிச்சி.

4.  Symbolism-  கனவு என்பது ஒத்திவைக்கப்பட்ட எதிர்பார்ப்பு,  ஒடுக்கப்பட்ட ஆசை, எதிர்காலத்தில் நிகழக்கூடும் என்ற நம்பிக்கை.  நாவலின் இடையில் அடிக்கடி வரும் Mask கோவிட்காலத்தை விட பெண்மை பேசமுடியாது வாய்மூடப்படுவதைக் குறிக்கிறது.

5.  நாவலில் அவர்கள் விருப்பமின்றி உடல்ரீதியாகவோ,  உளரீதியாகவோ பெண்கள் புலம்பெயர்ந்துகொண்டே இருக்கிறார்கள்.  அலைக்கழிப்பின் அழகியல் இந்த நாவல்.

6.  இந்த நாவலை எழுத முக்கியமான நோக்கமாக நான் கருதுவது பெண்களின் உணர்வுகள்,ஆசைகள், அபிலாஷைகள் முதலியவற்றை வெளிப்படுத்துவதுடன் ஆண்களின் கண்ணோட்டத்தில் அவர்கள் வெறும் கேளிக்கைப் பொருட்களாக மாறுவதும், அமெரிக்க நீதி என்பது கடிவாளம் போட்ட குதிரையாக நடந்து கொள்வதையும்,  ஆப்பிரிக்க மனம் அமெரிக்கக் கலாச்சாரத்தில் பதியமிடப்படுவதையும் கலந்து ஒரு இலக்கியவடிவமாகக் கொடுக்க அடிச்சி நினைத்திருக்க வேண்டும்.