எனக்கு துப்பறியும் கதைகள் மீது கொஞ்சம் பித்து உண்டு. பதின்ம வயதில் படித்த ஷெர்லாக் ஹோம்ஸ் கதைகள் என் உள்ளம் கவர்ந்தவை. அதை விட சிறந்த துப்பறியும் கதைகள் இன்னும் வரவில்லை. பிடித்த கதைகளை சமீபத்தில் ஒரு லிஸ்ட் போட்டிருந்தேன்.

ஹோம்ஸ் கதைகளைப் படித்துவிட்டு வேறு கதைகளைப் படிக்க வேண்டும் என்று ஆவல். அகதா கிறிஸ்டி, பெர்ரி மேசன் கதைகளைத் தவிர வேறு எதுவும் தெரியவில்லை. கிறிஸ்டி பிடித்திருந்தாலும் ஹோம்ஸ் அளவு இல்லை என்று தெளிவாகத் தெரிந்தது. பெர்ரி மேசன் கிறிஸ்டி அளவு கூட வரவில்லை. வேறு துப்பறியும் கதைகளைப் பற்றி எதுவும் தெரியவில்லை.

அப்போது ஹ்யூ கிரீன் தொகுத்த Rivals of Sherlock Holmes என்ற புத்தகம் கிடைத்தது. ஹ்யூ கிரீன் (கிரஹாம் கிரீனின் சகோதரர்) இப்படி மூன்று அருமையான தொகுதிகளை கொண்டு வந்திருக்கிறார். Rivals of Sherlock Holmes, Further Rivals of Sherlock Holmes, American Rivals of Sherlock Holmes. அவர்தான் பிற நல்ல கதைகளை அறிமுகம் செய்து வைத்தார். இந்த Rivals அனைவரும் ஹோம்ஸின் “சமகாலத்தவர்” – அதாவது ஹோம்ஸ் கதைகள் வந்த காலத்தில் – 19 -ஆம் நூற்றாண்டு இறுதி, இருபதாம் நூற்றாண்டு ஆரம்பம் – இந்த கதைகள் எழுதப்பட்டிருக்கின்றன.

அந்த மூன்று தொகுதிகளிலிருந்து எனக்குப் பிடித்த சில துப்பறியும் “நிபுணர்கள்”, எழுத்தாளர்கள் பற்றி சின்ன ட்விட்டர் ஸ்டைல் குறிப்புகள்:

கிரான்ட் ஆலனின் கர்னல் க்ளே (Grant Allen’s Colonel Clay): க்ளே ஒரு ஏமாற்றுக்காரன். மீண்டும் மீண்டும் தென்னாப்பிரிக்க மில்லியனர் வாண்ட்ரிஃப்டிடமிருந்து பணத்தை திருடிக்கொண்டே இருக்கிறான். Episode of the Diamond Links என்னுடைய ஃபேவரிட் கதை.

ராபர்ட் பாரின் யூஜீன் வால்மான்ட் (Robert Barr’s Eugene Valmont): Absent-minded Coterie ஒரு அருமையான கதை. ஆனால் வேறு எதுவும் அவ்வளவு சுகமில்லை.

ஜாக்விஸ் ஃப்யூட்ரல்லின் திங்கிங் மெஷின் (Jacques Futrelle’s Thinking Machine): ப்ரொஃபசர் வான் டூசன் எல்லாம் தெரிந்த விஞ்ஞானி. சவால் விட்டு ஜெயிலிலிருந்து தப்பிக்கும் Problem of Cell 13 மிகவும் அருமையான கதை. எல்லா கதைகளிலும் தரம் எப்போதும் நன்றாக இருக்கும் என்று சொல்வதற்கில்லை, ஆனால் படிக்கலாம்.

மாரிஸ் லேப்ளான்கின் ஆர்சீன் லூபின் (Maurice Leblanc’s Arsene Lupin): லூபின் ஒரு திருடன். சில கதைகள் – Arsene Lupin in Prison, Red Silk Scarf – நன்றாக இருக்கும்.

ஆர்தர் மாரிசனின் மார்ட்டின் ஹெவிட் (Arthur Morrison’s Martin Hewitt): ஹெவிட் ஒரு சம்பிரதாய துப்பறியும் நிபுணர். படிக்கலாம்.

ஆர்தர் மாரிசனின் டாரிங்க்டன் (Arthur Morrison’s Dorrington): டாரிங்க்டன் துப்பறிபவனாக வேஷம் போடும் திருடன். படிக்கலாம்.

கிளிஃபோர்ட் ஆஷ்டவுனின் ராம்னி ப்ரிங்கிள் (Clifford Ashdown’s Romney Pringle): ராம்னி ப்ரிங்கிள் ஏமாற்றுக்காரர். நான் படித்த கதைகளின் ambience charming ஆக இருந்தது.

பாரனஸ் ஆர்க்சியின் (Baroness Orczy) Old Man in the Corner: ஒரு டீக்கடையில் உட்கார்ந்துகொண்டு மர்மங்களை தீர்ப்பார் இந்தக் கிழவர். மிகவும் நன்றாக இருக்கும்.

ஆஸ்டின் ஃபிரீமனின் டாக்டர் தார்ண்டைக் (Austin Freeman’s Dr. Thorndyke): தார்ண்டைக் விஞ்ஞானத்தை பயன்படுத்தி துப்பறிபவர். கொஞ்சம் dry ஆக இருந்தாலும் கதைகள் மிக நன்றாக இருக்கும்.

வில்லியம் ஹோப் ஹாட்க்சனின் கார்னகி (William Hope Hodgson’s Carnacki): கார்னகி பேயோட்டுபவர். எல்லா கதைகளிலும் ஒரு supernatural background இருக்கும்.

எர்னஸ்ட் பிரம்மாவின் மாக்ஸ் காரடோஸ் (Ernest Bramah’s Max Carrados): காரடோஸ் ஒரு குருடர். ஹோம்ஸ் தரத்துக்கு இல்லாவிட்டாலும் நல்ல துப்பறியும் கதைகள்.

சில இன்று curiosities மட்டுமே. Guy Boothby உருவாக்கிய திருடன் Simon Carne (A Wedding Guest சிறுகதை, Prince of Swindlers தொகுப்பு), E. Phillips Oppenheim (Mr. Blunt’s Three Clients சிறுகதை போன்றவை.

இந்தத் தொகுப்பில் இடம் பெறாத சில நல்ல துப்பறியும் கதைகளை எழுதியவர்கள்:

1. எட்கார் ஆலன் போ – டூபின் (Edgar Allan Poe – Auguste Dupin) குறிப்பாக Purloined Letter சிறுகதை. டூபின் இல்லாத Gold Bug சிறுகதை.
2. அகதா கிறிஸ்டி – ஹெர்க்யூல் போய்ரோ, மிஸ் மார்பிள் கதைகள் (Agatha Christie: Hercule Poirot, Miss Marple)
3. டோரதி சேயர்ஸ் – பீட்டர் விம்சி கதைகள் (Dorothy Sayers: Lord Peter Wimsey)
4. ஜி.கே. செஸ்டர்டன் – ஃபாதர் பிரவுன் கதைகள் (G.K. Chesterton: Father Brown)
5. ஈ.சி. பென்ட்லி – ட்ரென்ட் கதைகள் (E.C. Bentley: Trent)
6. ஹெச்.சி. பெய்லி – டாக்டர் ஃபார்ச்சூன் கதைகள் (H.C. Bailey – Dr. Fortune)
7. எட்கார் வாலஸ் – ஜே.ஜி. ரீடர் கதைகள் (Edgar Wallace – J.G. Reeder)
8. ஜோசஃபின் டே (Josephine Tey) – குறிப்பாக Daughter of Time நாவல்.
9. மெல்வில் டேவிசன் போஸ்ட் – அங்கிள் எப்னர், ராண்டால்ஃப் மேசன் கதைகள் (Melville Davisson Post – Uncle Abner, Randolph Mason)
10. டாஷியல் ஹாம்மட் (Dashiel Hammett)
11. ரேமன்ட் சாண்ட்லர் – ஃபிலிப் மார்லோ (Raymond Chandler – Phillip Marlowe)
12. ஜான் டிக்சன் கார் (John Dickson Carr) – குறிப்பாக Three Coffins நாவல்.

தொகுக்கப்பட்ட பக்கம்: த்ரில்லர்கள்

1927-இல் ஆர்தர் கானன் டாயில் தனக்குப் பிடித்த ஷெர்லக் ஹோம்ஸ் சிறுகதைகள் என்று ஒரு பட்டியல் போட்டிருக்கிறார். ஸ்ட்ராண்ட் (Strand) பத்திரிகையில் வெளிவந்தது.

பட்டியல் கீழே

• Adventure of the Speckled Band
• Red-Headed League
• Adventure of the Dancing Men
• Final Problem
• A Scandal in Bohemia
• Adventure of the Empty House
• Five Orange Pips
• Adventure of the Second Stain
• Adventure of the Devil’s Foot
• Adventure of the Priory School
• Musgrave Ritual
• Reigate Squires

பலரும் தேர்ந்தெடுக்கும் Blue Carbuncle, Silver Blaze ஆகியவை அவரது பட்டியலில் இல்லை. ஏறக்குறைய அனைவருக்குமே முதல் 2-3 சிறுகதைத் தொகுப்புகள் அளவுக்கு பிந்தையவை அத்தனை charming ஆக இல்லை, அவரும் கடைசி இரண்டு தொகுப்புகளிலிருந்து Devil’s Foot ஒன்றை மட்டுமே தேர்ந்தெடுத்திருக்கிறார். ஆனால் எல்லாமே நல்ல சிறுகதைகள்தான்…

தொகுக்கப்பட்ட பக்கம்: ஹோம்ஸ் பக்கம்

1927-இல் ஆர்தர் கானன் டாயில் தனக்குப் பிடித்த ஷெர்லக் ஹோம்ஸ் சிறுகதைகள் என்று ஒரு பட்டியல் போட்டிருக்கிறார். ஸ்ட்ராண்ட் (Strand) பத்திரிகையில் வெளிவந்தது.

பட்டியல் கீழே

• Adventure of the Speckled Band
• Red-Headed League
• Adventure of the Dancing Men
• Final Problem
• A Scandal in Bohemia
• Adventure of the Empty House
• Five Orange Pips
• Adventure of the Second Stain
• Adventure of the Devil’s Foot
• Adventure of the Priory School
• Musgrave Ritual
• Reigate Squires

பலரும் தேர்ந்தெடுக்கும் Blue Carbuncle, Silver Blaze ஆகியவை அவரது பட்டியலில் இல்லை. ஏறக்குறைய அனைவருக்குமே முதல் 2-3 சிறுகதைத் தொகுப்புகள் அளவுக்கு பிந்தையவை அத்தனை charming ஆக இல்லை, அவரும் கடைசி இரண்டு தொகுப்புகளிலிருந்து Devil’s Foot ஒன்றை மட்டுமே தேர்ந்தெடுத்திருக்கிறார். ஆனால் எல்லாமே நல்ல சிறுகதைகள்தான்…

தொகுக்கப்பட்ட பக்கம்: ஹோம்ஸ் பக்கம்

ஷெர்லாக் ஹோம்ஸ் கதைகளை எழுதியவர் ஆர்தர் கானன் டாயில் என்பது தெரிந்ததே. டாயில் இருக்கும்போதே வேறு பலரும் ஷெர்லாக்கை வைத்து கதைகள் எழுத ஆரம்பித்தார்கள் என்பது அவ்வளவாகத் தெரியாத விஷயம். இன்றைக்கும் ஷெர்லாக் ஹோம்ஸ் பின்புலத்தில் கதைகள் வந்துகொண்டிருக்கின்றன. என் கருத்தில் யாரும் டாயில் தரத்துக்கு வரவில்லை. இருந்தாலும் பொதுவாக சுவாரசியமான கதைகள். அவற்றில் நிக்கோலஸ் மேயர் எழுதியவற்றைப் பற்றி:

மேயர் ஓரளவு புகழ் பெற்ற எழுத்தாளர்/இயக்குனர். ஸ்டார் ட்ரெக் திரைப்படங்களில் சிலவற்றை இயக்கி இருக்கிறார். அவர் முதலில் கவனம் பெற்றது ஷெர்லக் ஹோம்ஸ் நாவல் –  Seven Percent Solution – வழியாகத்தான். வெற்றி பெற்ற நாவல். அது திரைப்படமாக வந்தபோது அதற்கு திரைக்கதையும் எழுதினார்.

மேயரின் புத்தகங்கள் எனக்குப் பெரிதாகப் பிடிக்கவில்லை. இத்தனைக்கும் நான் ஷெர்லக் ஹோம்ஸ் என்ற பேர் இருந்தால் புரட்டியாவது பார்ப்பேன். மேயர் நாவல்களின் கவர்ச்சி அதில் அவர் அன்றைய பிரபலங்கள், நிகழ்ச்சிகள், நாவல்களை இணைப்பதுதான். உதாரணமாக முதல் நாவலான Seven Percent Solution-இல் உளவியல் நிபுணர் சிக்மண்ட் ஃப்ராய்ட் ஒரு கதாபாத்திரம். அவர் ஹோம்ஸுக்கு மனோவைத்தியம் செய்கிறார். இரண்டாவது புத்தகமான Westend Horror-இல் அவருக்கு கேஸ் கொடுப்பவர் ஜார்ஜ் பெர்னார்ட் ஷா. ஆஸ்கார் வைல்ட், ப்ராம் ஸ்டோகர் போன்றவர்கள் வருகிறார்கள்.  Canary Trainer நாவலோடு Phantom of the Opera நாவல் இணைக்கப்படுகிறது. Case of the Peculiar Protocols நாவலில் இஸ்ரேலின் முதல் ஜனாதிபதி ஷெய்ம் வெய்ஸ்மன் ஒரு பாத்திரம். Return of the Pharaoh நாவலில் டுடன்காமனின் பிரமிட் ஆராயப்படுகிறது.

இதெல்லாம் ஒரு வித name-dropping மட்டுமே. ஆனால் இது மட்டுமே என் கண்ணில் இவற்றை footnote அளவுக்காவது பொருட்படுத்த வைக்கிறது.

Seven Percent Solution (1974) ஓரளவு பிரபலமான நாவல். மோரியார்டி ஹோம்ஸின் கற்பனை, அவரது கொக்கெய்ன் பழக்கத்தால் ஏற்பட்டது, அவரை ஏமாற்றி சிக்மண்ட் ஃப்ராய்டிடம் மருத்துவம் பார்க்கிறார்கள்.

Westend Horror (1976) நாவலில் லண்டனில் ப்ளேக் வரும் சூழ்நிலை.

Canary Trainer (1993) இந்த வரிசை நாவல்களில் சிறந்தது. ஹோம்ஸ் இறந்துவிட்டார் என்று கருதப்படும்போது அவர் பாரிஸ் ஆபராவில் வயலின் வாசிப்பவராக வேலை பார்க்கிறார். பிற்காலத்தில் Phantom of the Opera நாவலை எழுதிய காஸ்டன் லெரோ நாடகக் குழுவின் தலைவர். ஆபரா கட்டிடத்தில் வாழும் Phantom, அவனுக்கு ஏற்படும் காதல், அதன் விளைவுகள் என்று போகிறது.

Case of the Peculiar Protocols (2019) – Protocols of the Elders of Zion என்று கேள்விப்பட்டிருக்கலாம். யூதர்களை அதிபயங்கர வில்லன்களாக சித்தரிக்கும் போலி ஆவணம். ஹோம்ஸ் கண்ணில் அது படுகிறது, அது போலி என்று நிறுவுகிறார். ஆனால் அது வேலைக்காகவில்லை, நம்புபவர்கள் நம்பிக் கொண்டேதான் இருக்கிறார்கள். (இன்றும்)

Return of the Pharaoh (2021) நாவலில் எகிப்து பிரமிடுகளில் ஒரு உப்பு சப்பில்லாத மர்மம்.

ஹோம்ஸின் பரம விசிறிகளுக்குத்தான்…

தொகுக்கப்பட்ட பக்கம்: ஷெர்லக் ஹோம்ஸ் பக்கம்