சிங்கப்பூர் நூலகங்களில் படித்த புத்தகம் – 14

ரஷ்யா. இன்றைய உலகின் மிகப்பெரிய நாடு. உடையாமல் சோவியத் ஒன்றியமாக இருந்தபோது இன்னும் மிகப்பெரிய நாடு. உலக வரைபடத்தை நீளவாக்கில் வைத்து 24 துண்டுகளாக வெட்டினால், ஒவ்வொரு துண்டையும் கடக்க சூரியன் ஒருமணி நேரம் எடுத்துக் கொள்ளும். ஆங்கிலத்தில் Time zone என்று பெயர். இந்தியாவைச் சூரியன் கடந்துபோக 2 மணிநேரத்திற்கு மேலாகும். ரஷ்யாவைக் கடக்க 11 மணிநேரமாகும்! அதாவது ரஷ்யாவின் கீழைக் கடைசி குடிமகன் இரவு தூங்கப் போனால், மேலைக் கடைசி குடிமகன் காலையில் அப்போதுதான் கண்விழிப்பான். ஆசியா ஐரோப்பா என இரு கண்டங்களில் பரவிய பெரிய நாடு. ஆர்க்டிக் பிரதேசத்தில் இருந்து கஜகஸ்தான் நாட்டு எல்லைவரை செங்குத்தாக நீளும் உரல் (Ural) என்ற மலைத்தொடர் உண்டு. அதுதான் இவ்விரு கண்டங்களுக்கான வரப்பு. மேற்கே ஐரோப்பிய ரஷ்யா, கிழக்கே ஆசிய ரஷ்யா. சிந்து நதிக்கு அப்பால் உள்ளதெல்லாம் இந்தியா எனவும், சிரியாவுக்குத் தெற்கே இருப்பதெல்லாம் பாலஸ்தீனம் எனவும் அன்றைய உலகம் பெயரிட்டது போல, ரஷ்யா என்றால் பொதுவாக ஐரோப்பிய ரஷ்யா தான். ஆசிய ரஷ்யாவிற்குத் தனியே ஒரு குணமுண்டு, அதற்குச் சைபீரியா என்றொரு பெயருண்டு.

ஐரோப்பிய மாஸ்கோ நகரில் இருந்து, ஆசிய பசிபிக் கடற்கரை நகரான விளாடிவாஸ்டாக் வரை இரயிலால் இணைக்க அன்றைய ஜார் மன்னர்கள் ஓர் இரயில்பாதை திட்டம் கொண்டுவந்தார்கள். 9289 கிமீ. 8 time zones. அதாவது சூரியன் கடக்கவே 8 மணிநேரமாகும். மனிதன் இரயிலில் கடக்க இன்றைக்கு 8 நாட்களாகும். 26 ஆண்டுகள் கட்டினார்கள். கட்டி முடித்தபின் ரஷ்யப்புரட்சி வந்தது. உலகப்போரும் ஜார் மன்னராட்சியும் முடிவுக்கு வந்தன. பெரும்பாலும் சைபீரியாவின் குறுக்கே செல்வதால் Trans-Siberian railway என்று பெயர். இன்றுவரை மிகநீளமான இரயில்தடம் இதுதான். ஒரே இரயிலில் மிக நீண்ட தூரம் பயணிக்கக் கூடிய, உலகின் மூன்றாவது நீண்ட பயணமும் இதுதான். ஒருகாலத்தில் உக்ரைன் தலைநகர் கீவ் முதல் விளாடிவாஸ்டாக் வரை ஓடிய இரயில் பயணம்தான் உலகின் மிக நீண்டது. மாஸ்கோ முதல் வடகொரியா தலைநகர் பியொங்யாங் வரை ஓடும் இரயில்தான் இரண்டாவது இடம். இவை இரண்டும் Trans-Siberian railway வழியேதான் போகின்றன. உலகில் மிக நீண்ட தூரம் போகும் இரயில்கள் எல்லாமே Trans-Siberian railway ஒட்டியவை.

Trans-Siberian railwayல் இருந்து பிரிந்து மங்கோலியா நாடு முழுவதும் ஓடி, சீனத் தலைநகர் பீஜிங் அடையும் பாதைக்கு Trans-Mongolian என்று பெயர். Trans-Siberian railwayல் இருந்து பிரிந்து சீனாவின் ஊடே ஓடி, சீனத் தலைநகர் பீஜிங் அடையும் பாதைக்கு Trans-Manchurian என்று பெயர். எனவேதான் உலகப்பயணிகளின் பட்டியலில் எப்போதும் இடம்பெறுகிறது Trans-Siberian railway! பயணிகள் கவனத்திற்கு, கன்னியாகுமரி முதல் திப்ருஹர் வரை ஓடும் விவேக் எக்ஸ்பிரஸ்தான் இந்தியாவின் மிகநீண்ட இரயில் பயணம்.
—————————————————————————————————————————————————————————————————————————
புத்தகம்: BORDER CROSSINGS: A Journey on the Trans-Siberian Railway
ஆசிரியர்: Emma Fick
வெளியீடு: Harper Design
பக்கங்கள்: 236
—————————————————————————————————————————————————————————————————————————
நானும் ஓர் உலகப்பயணி என்பதால் Trans-Siberian railway பயணம் பற்றி புத்தகங்கள் தேடினேன். BORDER CROSSINGS: A Journey on the Trans-Siberian Railway. ஆசிரியர் Emma Fick. பீஜிங் முதல் மாஸ்கோ வரை Trans-Mongolianல் 26 நாட்கள் ஆசிரியர் பயணித்த கதைதான் இப்புத்தகம். பயணம் என்ற பெயரில் இன்று யூடியூபில் காணொளிகளாக வெறும் குப்பைகள். யூடியூப்பில் கம்போடியா / உஸ்பெகிஸ்தான் நாடுகளை விளக்கும் விதத்தில் நான் குப்பைகளை எளிதில் கண்டுபிடித்துவிடுவேன். இப்புத்தகம் அமைக்கப்பட்ட விதத்தில் ஈர்க்கப்பட்டு எடுத்துவந்து விட்டேன். பயணத்தின் போது, டைரியில் குறிப்புகள் எடுப்பது போல, முழுக்க முழுக்க கையால் வரையப்பட்ட படங்களாலும், கையால் எழுதி விளக்குவது போலவும் எழுதப்பட்ட புத்தகம் இது. சில பக்கங்கள் படிக்கவே தேவையில்லை, பக்கத்தில் உள்ள படங்களைப் பார்த்தாலே போதும். படங்களே பெரும்பாலான பயணத்தின் கதையைச் சொல்கின்றன.


(www.amazon.com)

நிறைய குறிப்புகள் எடுத்திருக்கிறேன். சீன எல்லையில் தண்டவாள அகலம் மாறும்போது, இரயிலையே தூக்கி சக்கரங்களை மாற்றும் விசித்திரம் படித்தேன். பழைய பாஸ்போர்ட்டில் விசா இருந்தால் அனுமதிக்காத உலகின் மிகமிக சில நாடுகளில் ஒன்றான ரஷ்யாவிற்குள் ஆசிரியர் அனுமதிக்கப்படாமல், மீண்டும் மங்கோலியா திரும்பி புது பாஸ்போர்ட்டில் விசா வாங்கி பயணித்த கதையை மறக்கமாட்டேன். பெண்கள்தான் செயற்கரியன செய்து சமகாலத்தில் என்னை வியப்பூட்டுகிறார்கள். இதே தளத்தில் மோனிஷா ராஜேஷ், பமீலா வாட்சன், Emma Fick. நீங்களும் படியுங்கள். கலாச்சாரக் காவலர்கள் பண்பாட்டை அழித்தொழித்து தடயங்களை மாற்றி வைக்கும்முன் முதலில் இந்தியாவைச் சுற்றுங்கள், கூடவே உலகையும் சுற்றுங்கள். முதலில் கூரை ஏறி கோழி பிடியுங்கள், பிறகு வானம் ஏறி வைகுண்டம் போகலாம்!

அனுபந்தம்:
—————-
இரயில் பயணங்கள் பற்றி அடுத்து எழுத எந்தப் புத்தகம் வாய்ப்பு தருமென தெரியவில்லை. அதுவரை எனது சுயபெருமைகள் கேளுங்கள்:

1. இந்தியாவை 7 நாட்கள் எங்கும் தங்காமல் இரவில் இரயிலில் பயணித்து, பகலில் ஊர்சுற்றி இருக்கிறேன். இரண்டு முறைகள்.
2. தாய்லாந்து நாட்டின் ஒருகிளை தவிர மற்ற எல்லாவற்றிலும் இரயிலேயே பயணித்து 9 நாட்கள் சுற்றி இருக்கிறேன்.
3. வியட்நாம் நாட்டை வடக்கில் இருந்து தெற்காக மொத்தமாக இரயிலேயே பயணித்து 11 நாட்கள் சுற்றியிருக்கிறேன்.
4. இந்தோனேசியாவின் ஜாவா தீவைப் 10 நாட்களில் இரயிலேயே வட்டமிட்டு இருக்கிறேன்.
5. உஸ்பெகிஸ்தான் நாடும் இரயில் பயணம் தான்.
6. உஸ்பெகிஸ்தான் நாட்டில் இருந்து கஜகஸ்தான் நாட்டிற்கு இரயிலேயே 18 மணிநேரம் எல்லை கடந்திருக்கிறேன்.
7. தைவான் நாட்டைப் 10 நாட்களில் இரயிலேயே வட்டமிட்டு இருக்கிறேன்.
   
   இந்தியாவையும் ரஷ்யாவையும் சேர்த்து அடுத்து இரயிலில் பயணிக்க இப்போது எனது குறிப்புகளில் 9 நாடுகள் உள! வேந்தர்க்கு வேண்டும் பொழுது!

– ஞானசேகர்
(http://jssekar.blogspot.com/)

சிங்கப்பூர் நூலகங்களில் படித்த புத்தகம் – 14

ரஷ்யா. இன்றைய உலகின் மிகப்பெரிய நாடு. உடையாமல் சோவியத் ஒன்றியமாக இருந்தபோது இன்னும் மிகப்பெரிய நாடு. உலக வரைபடத்தை நீளவாக்கில் வைத்து 24 துண்டுகளாக வெட்டினால், ஒவ்வொரு துண்டையும் கடக்க சூரியன் ஒருமணி நேரம் எடுத்துக் கொள்ளும். ஆங்கிலத்தில் Time zone என்று பெயர். இந்தியாவைச் சூரியன் கடந்துபோக 2 மணிநேரத்திற்கு மேலாகும். ரஷ்யாவைக் கடக்க 11 மணிநேரமாகும்! அதாவது ரஷ்யாவின் கீழைக் கடைசி குடிமகன் இரவு தூங்கப் போனால், மேலைக் கடைசி குடிமகன் காலையில் அப்போதுதான் கண்விழிப்பான். ஆசியா ஐரோப்பா என இரு கண்டங்களில் பரவிய பெரிய நாடு. ஆர்க்டிக் பிரதேசத்தில் இருந்து கஜகஸ்தான் நாட்டு எல்லைவரை செங்குத்தாக நீளும் உரல் (Ural) என்ற மலைத்தொடர் உண்டு. அதுதான் இவ்விரு கண்டங்களுக்கான வரப்பு. மேற்கே ஐரோப்பிய ரஷ்யா, கிழக்கே ஆசிய ரஷ்யா. சிந்து நதிக்கு அப்பால் உள்ளதெல்லாம் இந்தியா எனவும், சிரியாவுக்குத் தெற்கே இருப்பதெல்லாம் பாலஸ்தீனம் எனவும் அன்றைய உலகம் பெயரிட்டது போல, ரஷ்யா என்றால் பொதுவாக ஐரோப்பிய ரஷ்யா தான். ஆசிய ரஷ்யாவிற்குத் தனியே ஒரு குணமுண்டு, அதற்குச் சைபீரியா என்றொரு பெயருண்டு.

ஐரோப்பிய மாஸ்கோ நகரில் இருந்து, ஆசிய பசிபிக் கடற்கரை நகரான விளாடிவாஸ்டாக் வரை இரயிலால் இணைக்க அன்றைய ஜார் மன்னர்கள் ஓர் இரயில்பாதை திட்டம் கொண்டுவந்தார்கள். 9289 கிமீ. 8 time zones. அதாவது சூரியன் கடக்கவே 8 மணிநேரமாகும். மனிதன் இரயிலில் கடக்க இன்றைக்கு 8 நாட்களாகும். 26 ஆண்டுகள் கட்டினார்கள். கட்டி முடித்தபின் ரஷ்யப்புரட்சி வந்தது. உலகப்போரும் ஜார் மன்னராட்சியும் முடிவுக்கு வந்தன. பெரும்பாலும் சைபீரியாவின் குறுக்கே செல்வதால் Trans-Siberian railway என்று பெயர். இன்றுவரை மிகநீளமான இரயில்தடம் இதுதான். ஒரே இரயிலில் மிக நீண்ட தூரம் பயணிக்கக் கூடிய, உலகின் மூன்றாவது நீண்ட பயணமும் இதுதான். ஒருகாலத்தில் உக்ரைன் தலைநகர் கீவ் முதல் விளாடிவாஸ்டாக் வரை ஓடிய இரயில் பயணம்தான் உலகின் மிக நீண்டது. மாஸ்கோ முதல் வடகொரியா தலைநகர் பியொங்யாங் வரை ஓடும் இரயில்தான் இரண்டாவது இடம். இவை இரண்டும் Trans-Siberian railway வழியேதான் போகின்றன. உலகில் மிக நீண்ட தூரம் போகும் இரயில்கள் எல்லாமே Trans-Siberian railway ஒட்டியவை.

Trans-Siberian railwayல் இருந்து பிரிந்து மங்கோலியா நாடு முழுவதும் ஓடி, சீனத் தலைநகர் பீஜிங் அடையும் பாதைக்கு Trans-Mongolian என்று பெயர். Trans-Siberian railwayல் இருந்து பிரிந்து சீனாவின் ஊடே ஓடி, சீனத் தலைநகர் பீஜிங் அடையும் பாதைக்கு Trans-Manchurian என்று பெயர். எனவேதான் உலகப்பயணிகளின் பட்டியலில் எப்போதும் இடம்பெறுகிறது Trans-Siberian railway! பயணிகள் கவனத்திற்கு, கன்னியாகுமரி முதல் திப்ருஹர் வரை ஓடும் விவேக் எக்ஸ்பிரஸ்தான் இந்தியாவின் மிகநீண்ட இரயில் பயணம்.
—————————————————————————————————————————————————————————————————————————
புத்தகம்: BORDER CROSSINGS: A Journey on the Trans-Siberian Railway
ஆசிரியர்: Emma Fick
வெளியீடு: Harper Design
பக்கங்கள்: 236
—————————————————————————————————————————————————————————————————————————
நானும் ஓர் உலகப்பயணி என்பதால் Trans-Siberian railway பயணம் பற்றி புத்தகங்கள் தேடினேன். BORDER CROSSINGS: A Journey on the Trans-Siberian Railway. ஆசிரியர் Emma Fick. பீஜிங் முதல் மாஸ்கோ வரை Trans-Mongolianல் 26 நாட்கள் ஆசிரியர் பயணித்த கதைதான் இப்புத்தகம். பயணம் என்ற பெயரில் இன்று யூடியூபில் காணொளிகளாக வெறும் குப்பைகள். யூடியூப்பில் கம்போடியா / உஸ்பெகிஸ்தான் நாடுகளை விளக்கும் விதத்தில் நான் குப்பைகளை எளிதில் கண்டுபிடித்துவிடுவேன். இப்புத்தகம் அமைக்கப்பட்ட விதத்தில் ஈர்க்கப்பட்டு எடுத்துவந்து விட்டேன். பயணத்தின் போது, டைரியில் குறிப்புகள் எடுப்பது போல, முழுக்க முழுக்க கையால் வரையப்பட்ட படங்களாலும், கையால் எழுதி விளக்குவது போலவும் எழுதப்பட்ட புத்தகம் இது. சில பக்கங்கள் படிக்கவே தேவையில்லை, பக்கத்தில் உள்ள படங்களைப் பார்த்தாலே போதும். படங்களே பெரும்பாலான பயணத்தின் கதையைச் சொல்கின்றன.


(www.amazon.com)

நிறைய குறிப்புகள் எடுத்திருக்கிறேன். சீன எல்லையில் தண்டவாள அகலம் மாறும்போது, இரயிலையே தூக்கி சக்கரங்களை மாற்றும் விசித்திரம் படித்தேன். பழைய பாஸ்போர்ட்டில் விசா இருந்தால் அனுமதிக்காத உலகின் மிகமிக சில நாடுகளில் ஒன்றான ரஷ்யாவிற்குள் ஆசிரியர் அனுமதிக்கப்படாமல், மீண்டும் மங்கோலியா திரும்பி புது பாஸ்போர்ட்டில் விசா வாங்கி பயணித்த கதையை மறக்கமாட்டேன். பெண்கள்தான் செயற்கரியன செய்து சமகாலத்தில் என்னை வியப்பூட்டுகிறார்கள். இதே தளத்தில் மோனிஷா ராஜேஷ், பமீலா வாட்சன், Emma Fick. நீங்களும் படியுங்கள். கலாச்சாரக் காவலர்கள் பண்பாட்டை அழித்தொழித்து தடயங்களை மாற்றி வைக்கும்முன் முதலில் இந்தியாவைச் சுற்றுங்கள், கூடவே உலகையும் சுற்றுங்கள். முதலில் கூரை ஏறி கோழி பிடியுங்கள், பிறகு வானம் ஏறி வைகுண்டம் போகலாம்!

அனுபந்தம்:
—————-
இரயில் பயணங்கள் பற்றி அடுத்து எழுத எந்தப் புத்தகம் வாய்ப்பு தருமென தெரியவில்லை. அதுவரை எனது சுயபெருமைகள் கேளுங்கள்:

1. இந்தியாவை 7 நாட்கள் எங்கும் தங்காமல் இரவில் இரயிலில் பயணித்து, பகலில் ஊர்சுற்றி இருக்கிறேன். இரண்டு முறைகள்.
2. தாய்லாந்து நாட்டின் ஒருகிளை தவிர மற்ற எல்லாவற்றிலும் இரயிலேயே பயணித்து 9 நாட்கள் சுற்றி இருக்கிறேன்.
3. வியட்நாம் நாட்டை வடக்கில் இருந்து தெற்காக மொத்தமாக இரயிலேயே பயணித்து 11 நாட்கள் சுற்றியிருக்கிறேன்.
4. இந்தோனேசியாவின் ஜாவா தீவைப் 10 நாட்களில் இரயிலேயே வட்டமிட்டு இருக்கிறேன்.
5. உஸ்பெகிஸ்தான் நாடும் இரயில் பயணம் தான்.
6. உஸ்பெகிஸ்தான் நாட்டில் இருந்து கஜகஸ்தான் நாட்டிற்கு இரயிலேயே 18 மணிநேரம் எல்லை கடந்திருக்கிறேன்.
7. தைவான் நாட்டைப் 10 நாட்களில் இரயிலேயே வட்டமிட்டு இருக்கிறேன்.
   
   இந்தியாவையும் ரஷ்யாவையும் சேர்த்து அடுத்து இரயிலில் பயணிக்க இப்போது எனது குறிப்புகளில் 9 நாடுகள் உள! வேந்தர்க்கு வேண்டும் பொழுது!

– ஞானசேகர்
(http://jssekar.blogspot.com/)

சிங்கப்பூர் நூலகங்களில் படித்த புத்தகம் – 13

வெக்கையான நாளொன்றில் சீக்கிய குருத்வாராவில் சாப்பிட்டுவிட்டு, நாட்டின் அடுத்த மூலையில் இருக்கும் ஒரு நுலகத்திற்குள், ஏதோவொரு புத்தகம் எடுத்து ஒரு மூலையில் அமர்ந்து கொஞ்சம் கண்மூடலாம் என்று நுழைந்தபோது, என் இரவுத்தூக்கத்தை ஒருநாள் ஒருமணிநேரம் ஒத்திவைக்கப் போகும் இப்புத்தகம் கண்ணில்பட்டது. இலக்கியம் என்ற பெயரில் எத்தனை நாட்கள்தான் ஆண்குறிகளையும் யோனிகளையும் கடற்கரையிலும் காபிக்கடைகளிலும் எழுதிக் கொண்டிருப்பீர்கள்? மருத்துவமனை காவல்நிலையம் நீதிமன்றம் வந்து உண்மை மனிதர்கள் கதை சொல்லுங்கள் என்று புத்தகத்தின் முன்னட்டையின் பின்புறம் இருந்தது. என்னைப்போல கோபக்கார ஆசிரியர் என்று பக்கங்களைப் புரட்டினேன். ஒவ்வொன்றும் கிட்டத்தட்ட 40 பக்கங்களுக்கு நீளும் கொஞ்சம் பெருஞ்சிறுகதைகள் எட்டின் தொகுப்பு இது.

‘பட்டாளத்தார் இறந்துவிட்டார்: அந்நிலையே இறந்தார் எனப்படுதல் நன்று‘ என்றிருந்தது முதல் கதையின் தலைப்பு. எட்டுத் தலைப்புகளையும் படித்தேன். எல்லாம் ஒரு தலைப்பும், இலக்கிய சாயலில் உபதலைப்பும் கொண்டிருந்தன. அவற்றில் புத்தகத்தின் தலைப்பு இல்லாமல் இருந்தது ஆச்சரியமாக இருந்தது. இதுமாதிரி இலக்கிய தலைப்புவைத்து, பெண்கவிஞர்கள் பாடல்கள் வைத்து, கதாநாயகியை உறிஞ்சி எடுக்கும் பாரம்பரியம் சினிமாவிற்கு உண்டென்பதால், தூக்கம் மறந்து ஒரு டெஸ்ட் வைக்கலாம் என்று முதல்கதையைப் படிக்க ஆரம்பித்தேன். எல்லாக் கதைகளிலும் பாஸாகி, ஒரு தொகுப்பின் மொத்தம் எனக்குப் பிடித்துப்போன முதல் புத்தகம் இதுவாகத்தான் இருக்கும்.
—————————————————————————————————————————————————————————————————————————
புத்தகம்: நகர்துஞ்சும் நள்யாமத்தில் செங்கோட்டு யானைகள் எடுத்துப் படித்த VIII தஸ்தாவேஜ்கள்
ஆசிரியர்: பாவெல் சக்தி
வெளியீடு: எதிர் வெளியீடு
பக்கங்கள்: 374
விலை: 399 ரூபாய்
—————————————————————————————————————————————————————————————————————————
நகர்துஞ்சும் நள்யாமத்தில் செங்கோட்டு யானைகள் எடுத்துப் படித்த VIII தஸ்தாவேஜ்கள். ஆசிரியர் பாவெல் சக்தி. முதன்முறை கேள்விப்படுகிறேன். வழக்கறிஞர். எல்லாக் கதைகளும் நீதிமன்றம் காவல்நிலையம் சம்மந்தப்பட்ட உண்மைக்கதைகள். கள்ளக்காதல் கொலை. விவாகரத்து. ட்ரிபிள் மர்டர். ஒரே மகனிடம் சொத்தை இழந்த பெற்றோர்கள். இயற்கைக்கு மாறான உடலுறவு. போக்சோ. காதலனின் மரணத்திற்கு நீதி கேட்கும் காதலி. கள்ளக்கடத்தல். கஞ்சா. உள்பாடி ஜட்டி பாவாடை திருடன். போலீசுக்கு ஸ்கெட்ச் போடும் ஒருவன். இதுபோன்ற கதைகளைத் தினந்தோறும் செய்தி ஊடகங்கள் நமக்கு சொன்னாலும், சொல்லும் முறையில் ஆசிரியர் வித்தியாசப்படுகிறார். ஒரு கதையை ஒரு சீனியர் வழக்கறிஞரின் நினைவாக ஒரு ஜீனியர் மாணவர்களுக்குச் சொல்கிறார். ஒரு கதையைப் புதிதாக வந்திருக்கும் நீதிபதிக்குப் போலீஸ் சொல்கிறார். பாதிக்கப்பட்ட நபரே வக்கீலாக வாதாடி பின் குற்றவாளியாகும் ஒருகதையும் உண்டு. இரண்டு கதைகளில் மட்டும்தான் நீதிமன்றத்தில் வாதாடுகிறார்கள். எல்லாக் கதைகளிலும் இலக்கியம் உண்டு. எல்லாக் கதைகளும் ஒரே நேர்க்கோட்டில் சொல்லப்படவில்லை; ஒவ்வொன்றிலும் சொல்லாமல் விடப்பட்டு தொக்கி நிற்கும் சில சமாச்சாரங்கள் உண்டு.

கதாநாயகியின் உதட்டை நம்ப ஆரம்பித்த பின், நான் பாலா திரைப்படங்கள் பார்ப்பதில்லை. பாலா திரைப்படத்தின் இறுதிக்காட்சி போன்ற திரைப்படங்களைத் தவிர்ப்பவர் நீங்கள் எனில், நகைச்சுவை கொண்ட 4 மற்றும் 8 கதைகளைப் படியுங்கள். கனத்த மனதுடன் 5, 7 மற்றும் 6ன் கடைசி மூன்று பக்கங்களையும் படியுங்கள். வாழ்க்கையை உள்ளது உள்ளபடி என்னைப்போல் அணுகுபவர் எனில், புத்தகத்தின் வரிசையிலே படியுங்கள். மொத்தத்தில் நல்ல தமிழ்ப் புத்தகங்கள் வருடத்திற்கு ஒருமுறை மட்டுமே எனக்குக் கிடைப்பதால், இதைத் தவிர்க்கக் கூடாத புத்தகம் என்கிறேன்.

அனுபந்தம்:
—————-
நமது அரசியலமைப்புச் சட்டத்தை வள்ளுவத்துடன் ஒப்பிட்டு ஒரு புத்தகத்தைப் பார்த்தேன். புத்தகம் எங்கும் ஆசிரியரின் பணிப்பெருமைகள், நண்பர்களுடன் எடுத்துக் கொண்ட புகைப்படங்கள். எழுத்தாளன் முதல் ஆளுநர் வரை வள்ளுவர் படும்பாடு இருக்கிறதே….

– ஞானசேகர்
(http://jssekar.blogspot.com/)

சிங்கப்பூர் நூலகங்களில் படித்த புத்தகம் – 13

வெக்கையான நாளொன்றில் சீக்கிய குருத்வாராவில் சாப்பிட்டுவிட்டு, நாட்டின் அடுத்த மூலையில் இருக்கும் ஒரு நுலகத்திற்குள், ஏதோவொரு புத்தகம் எடுத்து ஒரு மூலையில் அமர்ந்து கொஞ்சம் கண்மூடலாம் என்று நுழைந்தபோது, என் இரவுத்தூக்கத்தை ஒருநாள் ஒருமணிநேரம் ஒத்திவைக்கப் போகும் இப்புத்தகம் கண்ணில்பட்டது. இலக்கியம் என்ற பெயரில் எத்தனை நாட்கள்தான் ஆண்குறிகளையும் யோனிகளையும் கடற்கரையிலும் காபிக்கடைகளிலும் எழுதிக் கொண்டிருப்பீர்கள்? மருத்துவமனை காவல்நிலையம் நீதிமன்றம் வந்து உண்மை மனிதர்கள் கதை சொல்லுங்கள் என்று புத்தகத்தின் முன்னட்டையின் பின்புறம் இருந்தது. என்னைப்போல கோபக்கார ஆசிரியர் என்று பக்கங்களைப் புரட்டினேன். ஒவ்வொன்றும் கிட்டத்தட்ட 40 பக்கங்களுக்கு நீளும் கொஞ்சம் பெருஞ்சிறுகதைகள் எட்டின் தொகுப்பு இது.

‘பட்டாளத்தார் இறந்துவிட்டார்: அந்நிலையே இறந்தார் எனப்படுதல் நன்று‘ என்றிருந்தது முதல் கதையின் தலைப்பு. எட்டுத் தலைப்புகளையும் படித்தேன். எல்லாம் ஒரு தலைப்பும், இலக்கிய சாயலில் உபதலைப்பும் கொண்டிருந்தன. அவற்றில் புத்தகத்தின் தலைப்பு இல்லாமல் இருந்தது ஆச்சரியமாக இருந்தது. இதுமாதிரி இலக்கிய தலைப்புவைத்து, பெண்கவிஞர்கள் பாடல்கள் வைத்து, கதாநாயகியை உறிஞ்சி எடுக்கும் பாரம்பரியம் சினிமாவிற்கு உண்டென்பதால், தூக்கம் மறந்து ஒரு டெஸ்ட் வைக்கலாம் என்று முதல்கதையைப் படிக்க ஆரம்பித்தேன். எல்லாக் கதைகளிலும் பாஸாகி, ஒரு தொகுப்பின் மொத்தம் எனக்குப் பிடித்துப்போன முதல் புத்தகம் இதுவாகத்தான் இருக்கும்.
—————————————————————————————————————————————————————————————————————————
புத்தகம்: நகர்துஞ்சும் நள்யாமத்தில் செங்கோட்டு யானைகள் எடுத்துப் படித்த VIII தஸ்தாவேஜ்கள்
ஆசிரியர்: பாவெல் சக்தி
வெளியீடு: எதிர் வெளியீடு
பக்கங்கள்: 374
விலை: 399 ரூபாய்
—————————————————————————————————————————————————————————————————————————
நகர்துஞ்சும் நள்யாமத்தில் செங்கோட்டு யானைகள் எடுத்துப் படித்த VIII தஸ்தாவேஜ்கள். ஆசிரியர் பாவெல் சக்தி. முதன்முறை கேள்விப்படுகிறேன். வழக்கறிஞர். எல்லாக் கதைகளும் நீதிமன்றம் காவல்நிலையம் சம்மந்தப்பட்ட உண்மைக்கதைகள். கள்ளக்காதல் கொலை. விவாகரத்து. ட்ரிபிள் மர்டர். ஒரே மகனிடம் சொத்தை இழந்த பெற்றோர்கள். இயற்கைக்கு மாறான உடலுறவு. போக்சோ. காதலனின் மரணத்திற்கு நீதி கேட்கும் காதலி. கள்ளக்கடத்தல். கஞ்சா. உள்பாடி ஜட்டி பாவாடை திருடன். போலீசுக்கு ஸ்கெட்ச் போடும் ஒருவன். இதுபோன்ற கதைகளைத் தினந்தோறும் செய்தி ஊடகங்கள் நமக்கு சொன்னாலும், சொல்லும் முறையில் ஆசிரியர் வித்தியாசப்படுகிறார். ஒரு கதையை ஒரு சீனியர் வழக்கறிஞரின் நினைவாக ஒரு ஜீனியர் மாணவர்களுக்குச் சொல்கிறார். ஒரு கதையைப் புதிதாக வந்திருக்கும் நீதிபதிக்குப் போலீஸ் சொல்கிறார். பாதிக்கப்பட்ட நபரே வக்கீலாக வாதாடி பின் குற்றவாளியாகும் ஒருகதையும் உண்டு. இரண்டு கதைகளில் மட்டும்தான் நீதிமன்றத்தில் வாதாடுகிறார்கள். எல்லாக் கதைகளிலும் இலக்கியம் உண்டு. எல்லாக் கதைகளும் ஒரே நேர்க்கோட்டில் சொல்லப்படவில்லை; ஒவ்வொன்றிலும் சொல்லாமல் விடப்பட்டு தொக்கி நிற்கும் சில சமாச்சாரங்கள் உண்டு.

கதாநாயகியின் உதட்டை நம்ப ஆரம்பித்த பின், நான் பாலா திரைப்படங்கள் பார்ப்பதில்லை. பாலா திரைப்படத்தின் இறுதிக்காட்சி போன்ற திரைப்படங்களைத் தவிர்ப்பவர் நீங்கள் எனில், நகைச்சுவை கொண்ட 4 மற்றும் 8 கதைகளைப் படியுங்கள். கனத்த மனதுடன் 5, 7 மற்றும் 6ன் கடைசி மூன்று பக்கங்களையும் படியுங்கள். வாழ்க்கையை உள்ளது உள்ளபடி என்னைப்போல் அணுகுபவர் எனில், புத்தகத்தின் வரிசையிலே படியுங்கள். மொத்தத்தில் நல்ல தமிழ்ப் புத்தகங்கள் வருடத்திற்கு ஒருமுறை மட்டுமே எனக்குக் கிடைப்பதால், இதைத் தவிர்க்கக் கூடாத புத்தகம் என்கிறேன்.

அனுபந்தம்:
—————-
நமது அரசியலமைப்புச் சட்டத்தை வள்ளுவத்துடன் ஒப்பிட்டு ஒரு புத்தகத்தைப் பார்த்தேன். புத்தகம் எங்கும் ஆசிரியரின் பணிப்பெருமைகள், நண்பர்களுடன் எடுத்துக் கொண்ட புகைப்படங்கள். எழுத்தாளன் முதல் ஆளுநர் வரை வள்ளுவர் படும்பாடு இருக்கிறதே….

– ஞானசேகர்
(http://jssekar.blogspot.com/)

சிங்கப்பூர் நூலகங்களில் படித்த புத்தகம் – 12

வார்த்தை, உயிர்மெய்யெழுத்து, இலக்கணம் போன்றவை. தற்கால கன்னடச் சிறுகதைகள். மொத்தம் 12 கதைகள். நிர்வாணம் பாம்பாட்டி மௌனி போன்ற கதைகள் அருமை. தொழில் தண்ணீர் மூக்கன் போன்ற கதைகள் படிக்கும்போது நன்றாக இருக்கின்றன. பொதுவாக சிறுகதைத் தொகுப்புகளில் ஆகச்சிறந்த கதையைப் புத்தகத்தின் தலைப்பாக வைப்பார்கள். இத்தொகுப்பின் கொடுமையான கதையே புத்தகத்தின் தலைப்பில் அமைந்ததுதான். அதற்கடுத்து வரும் இரண்டு கதைகளும் அதேவகை. தற்கால சிறுகதைகள் என்று அட்டையில் இருக்கிறது. உயர்சாதி என்று பெருமைப்பட்டுக் கொள்ளும் சில கதைகள் எந்தக் காலத்தில் எழுதப்பட்டவை என்று தெரியவில்லை. அதீதகாமம் என்ற கதை சொல்லும் விடயத்தை அரைகுறை அறிவியல் என்று இதே தளத்தில் சொல்லியிருக்கிறேன். இம்மூன்று கதைகளையும் எப்படி வெட்டி ஓட்டிப் பார்த்தாலும் அவற்றின் நோக்கம் தவறென்பதால் எனக்கு உடன்பாடில்லை. ஒருசோறு பெரும்பாலும் ஒருசட்டிச் சோற்றின் பதம் சொல்வதில்லை எனவும், தொகுப்புகளிலும் விருதுகளிலும் இடம்பெறும் கதைகள் மட்டுமே அச்சமூகத்தின் ஒட்டுமொத்த பிரதிநிதியில்லை என்ற தெளிவுமும் உங்களுக்கு இருக்குமெனில், அந்நிய சாத்திரங்கள் தேடிப்படிக்கும் உங்கள் தேடலில் இத்தொகுப்பையும் கண்டிப்பாக படிக்கலாம்.
—————————————————————————————————————————————————————————————————————————
புத்தகம்: வார்த்தை, உயிர்மெய்யெழுத்து, இலக்கணம் போன்றவை (தற்கால கன்னடச் சிறுகதைகள்)
தொகுப்பும் மொழியாக்கமும்: கே.நல்லதம்பி
வெளியீடு: எதிர் வெளியீடு
பக்கங்கள்: 200
விலை: 200 ரூபாய்
—————————————————————————————————————————————————————————————————————————

– ஞானசேகர்
(http://jssekar.blogspot.com/)

சிங்கப்பூர் நூலகங்களில் படித்த புத்தகம் – 11

ஆப்பிரிக்கப் பெருங்கண்டம். காலனியாதிக்கம் செய்யாததாலும், இயற்கையாகவும் மிகமிக சொற்ப தீவுகள் கொண்ட பெருநிலம். பிரமிடுகளால் எகிப்து தெரியும். பஞ்சத்தால் எத்தியோப்பியா சோமாலியா தெரியும். கிரிக்கெட்டால் தென்னாப்பிரிக்கா ஜிம்பாப்வே கென்யா தெரியும். இடிஅமினால் உகாண்டா தெரியும். மடகாஸ்கர் ஆப்பிரிக்காவைச் சேர்ந்ததென தெரிந்து கொள்ளுங்கள். அமெரிக்க ஜனாதிபதிகளால் லிபியா தெரியும். கடவுளின் தூதர்கள் நேரடியாக ஆட்சி செய்யும் நாட்டின் சில குடிமக்களுக்கு, பரமாத்மாக்கள் பறந்து போய் கையசைப்பதால் இன்னும் சில நாடுகள் தெரிந்திருக்க வாய்ப்புண்டு. நன்னம்பிக்கை முனை. சூயஸ் கால்வாய். ஆப்பிரிக்க நிலம் பற்றி நமது சொற்ப அறிவு இவ்வளவுதான். இன்று ஆப்பிரிக்கக் கண்டத்தில் 54 நாடுகள் உள்ளன. இப்பெருநிலத்தை அறிய இதுபோன்ற புத்தகங்கள்தான் உதவுமென எடுத்துவந்துவிட்டேன்.
—————————————————————————————————————————————————————————————————————————
புத்தகம்: ESPRIT DE BATTUTA (ALONE ACROSS AFRICA ON A BICYCLE)
ஆசிரியர்: Pamela Watson
வெளியீடு: Hardie Grant books
பக்கங்கள்: 512
—————————————————————————————————————————————————————————————————————————
ESPRIT DE BATTUTA (IN THE SPRIT OF BATTUTA). ALONE ACROSS AFRICA ON A BICYCLE. இபின் பட்டுடா பற்றி இத்தளத்தின் சில பதிவுகளில் படித்திருப்பீர்கள். மார்கோ போலோ, மெகஸ்தனிஸ், யுவான் சுவாங் போல உலகப் பயணங்களின் முன்னோடிகளில் ஒருவர். பட்டுடாவின் நினைவில் ஆப்பிரிக்காவின் குறுக்கே தனியாக சைக்கிளில், என்பதுதான் புத்தகத் தலைப்பு. பமீலா வாட்சன் ஆசிரியர். ஆஸ்திரேலியா சொந்த நாடு. அப்போது லண்டனில் வசிக்கிறார். அப்போது முப்பதைத் தாண்டிய வயது. அக்டோபர் 1992 முதல் ஏப்ரல் 1994 வரை 18 மாதங்கள். மொத்தம் 17 நாடுகள். 1750கிமீ படகில், 14527கிமீ தனியாக சைக்கிளில் மேற்கு ஆப்பிரிக்காவில் இருந்து மத்திய ஆப்பிரிக்கா வழியே கிழக்கு ஆப்பிரிக்கா என ஆப்பிரிக்காவின் குறுக்கே பயணித்த கதைதான் இது!

முப்பதாண்டுகள் கடந்துவிட்டன. நிறைய மாற்றங்கள். சூடான் அல்ஜிரியாவிற்குப் பிறகு மிகப்பெரிய நாடு ஜெயிரே என்று புத்தகத்தில் சொல்கிறார். இன்று தெற்கு சூடான் என்ற நாடு உருவாகி அவ்வரிசையை மாற்றிவிட்டது. கினியா என்ற பெயரில் மட்டும் ஆப்பிரிக்காவில் மூன்று நாடுகள். பப்பூவா நியூ கினியா என்றொரு நாடு ஆசியாவில் இருக்கிறது. காங்கோ என்ற பெயரில் இரண்டு நாடுகள் ஆப்பிரிக்காவில் இருக்கின்றன. ஏதாவதொரு அமெரிக்க ஜனாதிபதி தனது குடிமக்களுக்கு உலகறிவு புகட்ட, இடம் மாற்றி அணுகுண்டோ வரியோ போட்டுவிடக் கூடாதென புத்தகத்தின் ஆரம்பத்திலேயே ஒருபக்கம் ஒதுக்கி இரண்டு காங்கோகள் பற்றி தனி விளக்கம் கொடுத்திருக்கிறார்.

அவர் சைக்கிளோட்டிய நாடுகளின் வரிசை இது:
1. செனெகல்
2. காம்பியா (ஆப்பிரிக்கக் கண்டத்திற்குள் மிகச்சிறிய நாடு. வெளியே சிசெல்ஸ்)
3. கினியா கொனார்க்ரி (பிரெஞ்சு கயானா என வரலாற்றில் படித்திருப்போம்; எபோலா வைரஸ் காலத்தில் படித்திருப்போம்; சிறுமிகளின் பாலுணர்வைக் கட்டுப்படுத்த மதத்தின் பெயரால், பெண்ணுறுப்பின் நரம்புக்குவியல் கொண்ட பாகத்தை வெட்டியெடுத்து சேதப்படுத்தும் கொடூர வழக்கத்தில் படித்திருப்பீர்கள்)
4. மாலி
5. புர்கினா பாஸோ
6. கானா (கோபி அனன் நாடு)
7. டோகோ
8. பெனின்
9. நைஜீரியா (அதிக மக்கள் கொண்ட ஆப்பிரிக்க நாடு; போகோ ஹரம் படித்திருப்பீர்கள்)
10. கேமரூன்
11. நிலநடுக்கோட்டு கினியா (நாட்டின் ஒருபகுதிகூட நிலநடுக்கோட்டின் மேல் கிடையாது; கினியா பிசாவு என மூன்று ஆப்பிரிக்க நாடுகளின் பெயரில் கினியா உண்டு)
12. காபான்
13. காங்கோ குடியரசு
14. காங்கோ ஜனநாயக குடியரசு (ஜெயிரே என்று சுருக்கமான பெயர்; அல்ஜீரியா சூடான் பிறகு மிகப்பெரிய ஆப்பிரிக்க நாடு)
15. ருவாண்டா
16. புருண்டி
17. தான்சானியா (பூமியின் தென்துருவத்தில் அதிக மக்கள் கொண்ட நாடு; கிளிமஞ்சாரோ இங்குதான் இருக்கிறது)

(https://pamelawatson.com/)

இவரின் பயணம் மிகவும் வித்தியாசமானது. பெரும்பாலானவர்கள் போல் சுற்றுலாத் தலங்களுக்கும், கேள்விப்பட்ட இடங்களுக்கும் இவர் சைக்கிளோட்டவில்லை. யூடியூபர்கள் போல் ஆதிவாசிகள் குடியிருப்புகளுக்குப் போய் நடனமாடவில்லை, கண்டதைத் தின்னவில்லை. ஆங்கிலம் பிரெஞ்சு என காலனிப்படுத்திய நாட்டின் மொழி கொஞ்சம் பேசும் மக்கள். புரியாத அவர்களின் தாய்மொழி. காலநிலை, உணவு, சுகாதாரம், பணம், பணமதிப்பிழப்பு, அந்நிய மண், கருப்புத் தோலுடைய மனிதர்களுக்கு இடையில் தனித்துக்காட்டும் வெள்ளைத்தோல், மலேரியா, உட்கார்ந்து போகும் கழிவறை, கொசு, வெயில், நாய்க்கடி, ரேபிஸ் தடுப்பூசி, பாம்பு, காட்டு விலங்குகள், கொள்ளையர்கள். Can I rest with you? You are mrs or miss? Are you married? Shall we marry? என்று பயணம் முழுவதும் ஆண்களின் கேள்விகள். பயணம் முடித்து வீடு திரும்பியவுடன், ‘உன்னை யாராவது வன்புணர்ந்திருப்பார்கள், அல்லது கொன்றிருப்பார்கள்’ என நினைத்ததாக ஒரு நண்பர் சொல்கிறார்.

பெரும்பாலான இடங்களில் சிறுவர்கள் விரட்டுகிறார்கள். காசு கேட்கிறார்கள். படகில் போனால் ஆண்கள் எல்லாம், சர்ரென்று ஓரமாக சிறுநீர் கழிக்கிறார்கள். இவள் அடக்கிவைக்கிறாள். ஆற்றில் குளித்தால், ஆண்கள் வேடிக்கை பார்க்கிறார்கள். புத்தகத்தில் மூன்று இடங்களில் கடுமையாக தாக்கப்படுகிறாள். சிம்பன்சி குரங்குகள் இருக்கும் ஒரு பண்ணைக்குப் போகிறார். முதன்முதலில் வெள்ளைத்தோலைப் பார்த்த 8 குட்டிகள், பால்குடிக்க ஆசிரியரின் மாரைத் தடவுகின்றன. ஒரு கிராமத்து சந்தையில் அவரைச் சுற்றி கும்பல் கூடுகிறது. எல்லார் முன்னிலையில் ஒரு கிழவன் இவரின் மாரைத் தடவுகிறான். கும்பல் சிரிக்கிறது. ஏற்கனவே படகு போய்விட்டதாகவும் அடுத்த ஊரில் பிடித்துவிடலாம், பைக்கில் அமருங்கள் என்றொருவன் சொல்ல, இவளும் அமர, இன்னொருவன் திடீரென பின்னால் அமர, விருட்டென்று பைக் சந்துபொந்தென யாருமற்ற பகுதிகளில் பறக்கிறது.

10 வாரங்கள் படகு இல்லாமல் சைக்கிளோட்ட முடியாமல் ஓரிடத்தில் மாட்டிக்கொள்கிறாள். புதிதாக வீடியோ கேசட் நுழைந்த ஓர் ஊரில் இவளும் நுழைகிறாள். அதை இயங்கவைக்க இவளை அழைக்கிறார்கள். I never watched video என்கிறாள். டெக்னாலஜி தெரியாத ஒரு வெள்ளைக்காரியா என திட்டுகிறார்கள். ரஜினிகாந்த் தனது ஆட்டோவிற்குப் பெண் பெயர் வைத்து அழைப்பது போல், இவள் தனது சைக்கிளை ஆணாகப் பாவிக்கிறாள். புத்தகம் முழுவதும் அழகு ஆண்களைச் சைட் அடிக்கிறாள். எந்த வேலையும் செய்யாமல் வெறுமனே டீ குடித்துக் கொண்டு, பிள்ளைவரம் கொடுக்கும் ஆண்களை as hopeless as men என புத்தகம் முழுவதும் கிண்டல் செய்கிறாள். பக்கெட்டில் நீர் இறைப்பது, பழைய துணிகளை அமுக்கி தலையணை செய்வது, கொப்பரைகளில் தானியங்களை வேகவைப்பது, ஆண் பெண் என கிராமங்களில் தனித்தனி திறந்தவெளிக் கழிப்பிடங்கள், விலையுயர்ந்த நாப்கின்கள் என எல்லாவற்றையும் பழகிக் கொள்கிறாள்.

(https://pamelawatson.com/)

We prefer freedom in poverty, to riches in slavery. ஒவ்வொரு நாட்டின் அரசியலையும் சொல்கிறாள். ஆப்பிரிக்காவின் எல்லா சர்வாதிகாரிகளும் தனது சொந்த குடிமக்களை நம்பாமல், இஸ்ரேல் அல்லது மொராக்கோ நாட்டினரை மெய்க்காப்பாளர்களாக வைத்திருப்பார்களாம். அங்கும் ஒரு நாட்டில் டெல்டாவில் எண்ணெய் எடுக்கிறார்கள். அங்கும் ஒரு நாட்டில் பணமதிப்பிழப்பு செய்கிறார்கள். இவள் பயணிக்கும் போதுதான் இரண்டு நாட்டுத் தலைவர்கள் படுகொலை செய்யப்பட்டு, மிகப்பெரும் இனப்படுகொலை ஒரு நாட்டில் ஆரம்பிக்கிறது. இவளின் இப்பயணத்தைக் கண்டவர்கள் வழியெங்கும் ‘நீயொரு பெண்ணில்லை ஆண்’ என்று சொல்வதாக அமையும் புத்தகம், So you are a woman then என முடிகிறது. இப்புத்தகத்தின் மிகப்பெரிய பலமே ஆசிரியரும், அவர் சந்திக்கும் பெண்களும்தான். விறகு சேகரிப்பவள், மகளிர் சுய உதவிக்குழுக்கள், பாலியல் தொழிலாளிகள் என பலர். அவர்கள்தான் குடும்பத்தை, சமூகத்தைக் கட்டமைக்கிறார்கள். பிறக்கும் இடமும், குருட்டு அதிர்ஷடமும் அவர் சந்திக்கும் பெண்களைவிட தன்னை எப்படி ஒரு பாதுகாப்பான வாழ்க்கைமுறையில் வைத்திருக்கிறது என அவரே ஓரிடத்தில் நொந்துகொள்கிறார்.

நீண்ட நாட்களுக்குப் பிறகு நான் மிகவும் ரசித்துப் படித்து, பல குறிப்புகள் எடுத்த புத்தகம் இது. பயணம் சைக்கிள் ஆப்பிரிக்கா என்று உங்களில் பெரும்பாலானவர்களுக்கு ஒவ்வாத விடயங்கள் சொல்லும் புத்தகம் இதுவென்றாலும், விசு சொல்வது போல் வீட்டிலும் நாட்டிலும் புரட்சிகரமான செயல்களைச் செய்யத் தொடங்கி வைப்பவள் பெண்தான்!

– ஞானசேகர்
(http://jssekar.blogspot.com/)

சிங்கப்பூர் நூலகங்களில் படித்த புத்தகம் – 9

பந்தாடுதே இந்த வாழ்தலின் நியாயங்கள்! படிக்கப்படாமலும், படித்தது இன்னும் இங்கு எழுதப்படாமலும் என்னிடம் நிறைய புத்தகங்கள் தேங்கிக் கிடக்கின்றன. இந்நவீன காலத்தில் புத்தகங்களைப் பற்றி அக்காலப் புலவன் போல ஆற்றுப்படை சொல்லத் தேவையில்லை என நினைக்கிறேன். அதனால் இப்புத்தகத்தில் இருந்து, எதுவும் சொல்லாமல் அலமாரியில் அடுக்கி வைப்பது போல் வைத்துவிட்டுப் போகிறேன். தேடச் சிந்தையுள்ளவன் தேடக்கடவன்! வாடகைத்தாய் மாட்டுக்கறி வெண்பா ஆண்கர்ப்பம் ஜீன் தாண்டவராயன் டவுசர்சர்ச் பிரம்மகத்தி புத்தன் இஸ்லாம் அக்பர் எல்லாம் எழுதியவனால் முழுதும் எழுத்தைத் துறக்க முடியாது. அவ்வப்போது சில புத்தகங்கள் எழுதுவேன். அறுவடையோ மிகுதி. வேலையாட்களோ குறைவு. செல்லான் கிழவன் இருப்பின் ….
—————————————————————————————————————————————————————————————————————————
புத்தகம்: விண்ணளந்த சிறகு (இயற்கை சார்ந்த கட்டுரைகள்)
ஆசிரியர்: சு.தியடோர் பாஸ்கரன்
வெளியீடு: தமிழ் திசை
பக்கங்கள்: 117
விலை: ரூபாய் 150
—————————————————————————————————————————————————————————————————————————

– ஞானசேகர்
(http://jssekar.blogspot.com/)

சிங்கப்பூர் நூலகங்களில் படித்த புத்தகம் – 8

பதினெட்டாம் நூற்றாண்டில் தாவரங்களை வகைப்பிரித்த கார்ல் லின்னேயஸ், அடர்ந்து உயர்ந்து வளர்ந்தாலும் மூங்கில் மரமல்ல என்று புல் இனத்தில் வைத்தார். உலகிலேயே மிக வேகமாக வளரும் தாவரமான மூங்கில், ஒருவித்திலை வகை புல் என்று தாவரவியல் படித்த அனைவருக்கும் தெரியும். மூங்கிலை முதன்முதலில் புல்லென்று அறியும் அனைவருக்கும் ஆச்சரியமாகத் தான் இருக்கும். ஆனால் மூங்கிலில் செய்யப்பட்ட ஒரு பொருளுக்கு ஆதிகாலத்திலேயே புல்லாங்குழல் (புல்லால் ஆன குழல்) எனப் பெயரிட்டவர்கள் நம் முன்னோர்கள்! கபிலர் 99 மலர்களைப் பட்டியலிடுகிறார். சங்ககாலக் காதலியொருத்தி காதலனைப் பற்றி ‘குறிஞ்சி நாடன் கேண்மை’ என்கிறாள். எல்லா சமூகங்களைப் போல நம்மவர்களும் இயற்கையோடு இணைந்து வாழ்ந்து கொண்டாடி இருக்கிறார்கள்.
—————————————————————————————————————————————————————————————————————————
புத்தகம்: தமிழரின் தாவர வழக்காறுகள்
ஆசிரியர்: ஆ.சிவசுப்பிரமணியன்
வெளியீடு: உயிர் பதிப்பகம்
பக்கங்கள்: 222
விலை: ரூபாய் 210
—————————————————————————————————————————————————————————————————————————
தமிழரின் தாவர வழக்காறுகள். ஆ.சிவசுப்பிரமணியன் அவர்கள் ஒரு புத்தகம் எழுதினால், என்னவென்றே தெரியாவிட்டாலும் வாங்கிப் படிக்கும் சிலரில் நானும் ஒருவன். மொத்தம் 11 கட்டுரைகள்.

நொச்சி
ஆவாரை
மஞ்சணத்தி (நுணா)
எருக்கு
ஆமணக்கு
எள்
விளக்குமாறாகும் தாவரங்கள்
ஓட்டப்பிடாரம் கத்திரிக்காய்
பருத்தி
தமிழர் வரலாற்றில் தாவர எண்ணெய்
பெருமரம்

வேறொன்றும் சொல்லத் தேவையில்லை என நினைக்கிறேன். எள்ளிலும் எண்ணெயிலும் எப்படி சாதி வந்ததென்று படித்துப் பாருங்கள்.

– ஞானசேகர்
(http://jssekar.blogspot.com/)

சிங்கப்பூர் நூலகங்களில் படித்த புத்தகம் – 7

வெளிநாடு சுற்றுவதற்கு என்றே வருமானத்தில் ஒரு பங்கு ஒதுக்கி வைப்பவன் நான். ஊரடங்கு காலத்தில் தேங்கிப் போன கணக்கைச் சமன்செய்ய சென்ற ஆண்டு மட்டும் ஐந்து வெளிநாடுகளைத் தனியாகவே வழக்கம் போல் சுற்றினேன். எப்போதும் என்னுடன் வருபவை என் நிக்கான் கேமராவும், ஒரு நல்ல புத்தகமும். 2017ல் அங்கோர் வாட் சென்றபோது, சாகித்ய அகாடமி வென்ற ஒரு தமிழ்ப்புத்தகம் உடன் வந்தது. மலேசிய விமான நிலையத்தில் கிட்டத்தட்ட குப்பைத்தொட்டியில் போடப்போனேன். எனவே என் பயணங்களுக்கான புத்தகங்களைத் தேந்தெடுப்பதில் மிகவும் கவனமாக இருப்பேன். கலந்தீமையால் பால் திரியக் கூடாதல்லவா! சென்ற வருடம் இந்தோனேசியாவின் சுமத்ரா தீவு சென்ற போது, குறும்பயணம் என்பதால் புத்தகம் எதுவும் எடுத்து செல்லவில்லை. உஸ்பெகிஸ்தானுக்கும், கசகஸ்தானுக்கும் ‘பாகீரதியின் மதியம்’. பிலிப்பைன்ஸ் சென்ற போது அந்நாட்டிற்கான Lonely Planet புத்தகம். கடைசியாக தாய்வான் சென்றபோது, சிறகடிக்கும் சருகுகள்.

தலைப்பே ஈர்த்தது. குறும்புதினம். புரட்டினால் ஆங்காங்கே ‘இலை’ ‘சருகு’ போன்ற வார்த்தைகளை மாற்றிப்போட்டு உள்தலைப்புகள். இன்று பக்கங்களை முடிவு செய்து புத்தகங்கள் எழுதும் நவீன எழுத்தாளர்கள் பலர், தலைப்பிட மொழியறிவு இல்லாமல் எண்களிடும் கொடுமைகளுக்கு நடுவில் இப்புத்தகம் வித்தியாசமாகப்பட்டது. முன்னுரையில் தான் வயதானவன் எனவும், எழுத வேண்டும் என்ற உந்துதலில் இதை எழுதியதாகவும் ஆசிரியர் சொல்லியிருந்தார். முதல் அத்தியாயம் மட்டும் படித்துப் பார்த்தேன். ஒரே மகளுடன் சண்டை போட்டுக் கொண்டு, மருமகனைக் கூட்டிப் போய் முதியோர் இல்லத்தில் சேர்வதாக ஒரு முதியவர் கதை சொல்கிறார். இரண்டாவது அத்தியாயமும் படித்தேன். உண்மைக்கதையின் தழுவல். இக்கதையோட்டம் கண்டிப்பாக ஒரு பெண்ணை இழுத்து வந்து, பெரும்பாலான இலக்கியங்கள் செய்வது போல, ஆடையுரிக்கப் போவதில்லை. எழுத்துப் பிழைகள் ஏராளம். அதன் நோக்கம் சரியென்பதால், என்னுடன் தாய்வானுக்கு எடுத்து சென்றேன்.

முதியோர் இல்லம். அதில் ஒன்றிரண்டு பேரின் பிளாஷ்பேக். அதை நடத்தும் டாக்டரின் கதை. அவ்வில்லத்திற்கு எதிராக சில சதிகள். அதை அந்த முதியவர்களே முறியடிக்கும் எளிய கதை. புது வீடு கட்டுபவர்களுக்கு உள்ள ஒரு பிரச்சனையைச் சொன்ன ‘மதில்’ என்ற திரைப்படத்தில் இருந்த ஒரு குறை இப்புத்தகத்தின் கதையிலும் உண்டு. பிரச்சனைக்கான தீர்வாக அவர்கள் செய்யும் செயல்கள் எல்லாம் முழுக்க முழுக்க சினிமாத்தனம் போல் இருக்கும். கிட்டத்தட்ட விசு திரைப்படங்கள் போல. அதை மட்டும் சகித்துக் கொள்ளுங்கள். நம்மில் பலர் சமாதிக்கு முன் முதியோர் இல்லம் விசயம் செய்ய வாய்ப்பு பிரகாசமாய் இருப்பதால், அதன் அரசியல் கொஞ்சம் அறிவது நலம். கண்டிப்பாக படிக்கலாம்.
—————————————————————————————————————————————————————————————————————————
புத்தகம்: சிறகடிக்கும் சருகுகள்
ஆசிரியர்: மா.சாமுவேல்
வெளியீடு: வேரல் புக்ஸ்
பக்கங்கள்: 195
விலை: ரூபாய் 250
—————————————————————————————————————————————————————————————————————————

– ஞானசேகர்
(http://jssekar.blogspot.com/)

கடவுள். காதல் போல் வசதியான பொய். கடவுளின் பெயரால் மதம். சகிக்க முடியாத மனிதத் தன்மையற்ற தமது செயல்களுக்கு ஆட்சியாளர்கள் காரணம் காட்ட தன்னுடன் வைத்திருக்கும் வசதியான உண்மை இந்த மதம். குடிமக்களும் கண்ணுக்குத் தெரியாத ஒரு சக்தியின் தெரிந்த வடிவமே தன்னை ஆள்பவர்கள் என்று காலங்காலமாக நம்பும் சித்தாந்தம் இந்த மதம். அரசியலில் மதம் கலக்கும் போது ஆட்சியாளன் பரமாத்மா. குடிமக்கள் கர்மா. அதனால் தான் ஒரு சமூகத்தையே மயக்கடிக்கும் போதை இந்த மதம் என்று வெறுக்கிறது கம்யூனிசம். Religion is opium of masses. ஆனால் மதம் போல மனிதத்திரளை வெகு எளிதில் திரட்டிவிடும் வஸ்து வேறேதுமில்லை. உலகின் மூலைகளெங்கும் பல்லாண்டுகளாக நிரூபிக்கப்பட்ட உண்மையிது. ஜெயமோகன் சொல்வதுபோல, மதம் மூலம் தேசியத்தைக் கட்டி எழுப்பிய அரசுகள் தான் காலந்தோறும் நிலைத்து நின்றிருக்கின்றன.

தனது மதத்தைத் தனது குழந்தைகளுக்குச் சொல்லி வளர்ப்பது கிட்டத்தட்ட குழந்தைகள் மேல் திணிக்கும் வன்முறை என்பவர்களும் உண்டு. எல்லா மதத்தினரும் சமமாக பயிலும் தமிழ்நாட்டில் கூட, பள்ளிப்படிப்பை விட்டு வெளியேறும் போது, பிற மதங்கள் பற்றிய அறிமுகம் கூட இல்லாமலேயே வெளிவருகிறோம். நம் சமூகத்தில் நம் பெற்றோரின் மதம், நம் மீது திணிக்கப்படும் மிகப்பெரிய ஜென்மப்பாவம்! இப்படிப்பட்ட சமூகத்தை மதம் என்ற ஓபியம் மூலம் மலுங்கடிப்பது சுலபம். ஒரு குறிப்பிட்ட மதத்தைச் சேர்ந்தவர்கள்தான் குழந்தைகளைப் பெற்று தள்ளுகிறார்கள். ஒரு குறிப்பிட்ட மதத்தைச் சேர்ந்தவர்கள்தான் தீவிரவாதிகள். ஒரு குறிப்பிட்ட மதத்தைச் சேர்ந்தவர்கள்தான் வசியமாய் மதமாற்றுகிறார்கள். ஒரு குறிப்பிட்ட மதத்தைச் சேர்ந்தவர்கள்தான் வழிபாட்டுத் தலங்களைத் தீட்டாக்குகிறார்கள். ஓபியம் சமூகம் எளிதாக நம்புகிறது. அந்தக் குறிப்பிட்ட மதங்களுக்கு முன், இங்கு எப்படி இருந்தது என்று ஓபியம் சிந்திக்க விடுவதில்லை. பிற மறைநூல் சாத்திரங்களைப் பாரதி சொன்னது போல் படிக்க வேண்டிய கட்டாயத்தில் இப்போது இருக்கிறோம்.
—————————————————————————————————————————————————————————————————————————
புத்தகம்: Eden: An Indian Exploration of Jewish, Christian and Islamic Lore
ஆசிரியர்: Devdutt Pattanaik
வெளியீடு: Penguin
பக்கங்கள்: 312
விலை: 500 ரூபாய் என நினைக்கிறேன்
—————————————————————————————————————————————————————————————————————————
யெஹோவா கர்த்தர் அல்லா. தோரா விவிலியம் குரான். ஆபிராம் ஆப்ரஹாம் இப்ராஹிம். இஸ்மேல் இஸ்மேல் இஸ்மேயில். ஜோப் யோபு அயூப். டேவிட் தாவீது தாவுத். சனி ஞாயிறு வெள்ளி. யூதம் கிறிஸ்தவம் இஸ்லாம். மூன்றும் மத்திய கிழக்கில் தோன்றிய மதங்கள். ஒரே கடவுள் கொள்கை. கடவுளுக்கு உருவமில்லை. கடவுள் ஆண்பால். கிறிஸ்தவத்தில் மூவொரு கடவுள். கிறிஸ்தவத்தில் பெரும்பாலும் உருவ வழிபாடு உண்டு. ஒன்றில் சொர்க்கம் நரகம் இல்லை. இப்புத்தகத்தின் அட்டைப்படம் போல, ஒன்று பாம்பு என்று சொல்லுமிடத்தில், இன்னொன்று மயில் என்று சொல்லும். ஒன்றில் பிரசவம் சாபம், இன்னொன்றில் பிறக்கும் குழந்தைகளுக்குப் பெற்றோர்களின் பாவத்தில் பங்கில்லை. ஒன்றில் பெண்ணுக்கு மாதவிலக்கு, ஆணுக்கு வழுக்கை, இன்னொன்றில் மனிதனுக்கு ஆடையும் மரணமும் தண்டனைகள்.

ஒன்றில் துறவு கிடையாது. ஆபிரகாமின் சந்ததிகள் என்ற அடையாளமாக ஒன்றில், ஆண்கள் மேல்தோல் வெட்டுவதில்லை. இரண்டில் பரலோகம் உண்டு. ஒன்றில் இறப்பிற்குப் பின்னான பயணத்தைக் குறிக்கும் உத்தரிக்கிற ஸ்தலம் என்றொரு இடமுமுண்டு. பிரளயம் வரை கடவுள் நேரடியாகவே மூன்றிலும் மனிதனிடம் பேசி இருக்கிறார். சவுல் மூலம் ஒரு மதம் அரசாக உருவெடுத்தது உலகில் முதலில் யூதம் என நினைக்கிறேன். பிராமண மதம் போல யூதம் தனதெல்லை மீறி பரவுவதுமில்லை, யாரையும் சேர்ப்பதுமில்லை. கான்ஸ்டன்டைன் முதல் அரசுகளால் கிறிஸ்தவம் பரவியது. அரசாங்கமாகவும் மதமாகவும் ஒரே நேரத்தில் பரவியது இஸ்லாம். இப்படி ஆபிரகாமின் இம்மூன்று மதங்களின் அரசியல் பற்றி முந்தைய பதிவுகள் பலவற்றில் எழுதியிருக்கிறேன்.

ஜியா ஒவ்வொருவர் கைக்கும் போய், சிலுவைப்போர் ஜிஹாத் போய், போப் கலீபா போய், அணு பெட்ரோல் என இந்த ஒன்றேகால் நுற்றாண்டுகளாக பேஜர் வரை பாய்கின்றன! இவற்றை மதமாக தேவ்தத் பட்நாயக் அவர்கள் புத்தகமாக எழுதியிருக்கிறார் என்றதும் வாங்கிவிட்டேன். காரணம் இவர் மதவாதி அல்ல. குறியீடுகள் சிந்தாந்தங்கள் என்று பல விடயங்களைத் தொடர்புபடுத்தி எழுதுவார். உதாரணமாக கிரேக்க அமேசான் பற்றி எழுதினால், பெண் வீரர்களை மட்டுமே கொண்ட படைக்கு அரசர்கள் அப்பெயர் வைத்தார்கள் என்பார், அப்படியே இங்கு சந்திர குப்த மௌரியர் அதேபோல் ஒருபடை வைத்திருந்ததாக சொல்வார். அவர் புத்தகங்களில் அவர் கைப்பட வரைந்த படங்கள் ஒவ்வொரு பக்கத்திலும் இருக்கும். அப்படங்கள் கதை சொல்லும். இரண்டு மதங்களில் கடவுளுக்கு உருவமே கிடையாதே, எப்படி வரைந்திருப்பார் என்ற ஆர்வம்!


(பார்வையற்ற ஈசாக்கிடம் எசாயூ போல் வேடமிட்டு ஏமாற்றும் யாக்கோபு. இயேசு சொன்ன இடத்தில் வலையிட்டு அதிக மீன் கிடைத்தல்)

சரி, An Indian Exploration என்று ஏன் தலைப்பில் சொல்கிறார். அது நீங்கள் புத்தகம் படித்ததால் தான் புரியும். அவர் எழுத்து நடை அப்படி. ஆசிரியரின் நடையில் எனக்கு புதிதாக கிடைத்த தகவல்கள் சில:

1. பாரவோன் ஆட்சியில் பஞ்சம் போக்கிய யோசேப் / ஜோசப் / யூசூப், உபரி தானியங்களைச் சேர்த்து வைத்த இடங்கள் தான் பிரமிடுகளாம்!
2. செங்கடல் வழியே எகிப்தில் இருந்து இஸ்ரேல் நடந்து வர, 40 ஆண்டுகளா என்ற எனது சந்தேகத்திற்குப் பல ஆண்டுகள் கழித்து இப்புத்தகம் பதில் சொன்னது.
3. சாலமோனின் நீதியை நிலைநாட்ட மூன்று மதங்களிலும் மூன்று வெவ்வேறான கதைகளாம்! எனக்கு ஒரு கதைதான் தெரியும். அதைப் போல் ஓர் அரசன் காஷ்மீரை ஆண்டார் என்று ஏற்கனவே சொல்லி இருக்கிறேன்.
4. இம்மூன்று மதங்களுக்கு முன்னரே அதே நிலத்தில் ஒரே கடவுள் கொள்கை இன்றும் பேசும் இன்னொரு மதம் பற்றி, ஒரு பக்கம் நிறைய குறிப்பெழுதி வைத்திருக்கிறேன்.

இம்மதங்கள் சாத்தானைப் பற்றி என்ன சொல்கின்றன? பிலாத்துவைப் பற்றி விவிலியம் ஏன் இவ்வளவு துல்லியமாக விவரிக்கிறது? எவ்வளவு அந்நியமாய் இருந்தாலும் கிறிஸ்தவமும் இஸ்லாமும் மொழியைத் தாண்டி எளிய மக்களை எளிதாக எப்படி நெருங்க முடிந்தது? படித்துப் பாருங்கள். இப்பிறப்பில் ஒழுங்காக வாழச் சொல்லி மனிதனின் மறுபிறப்பை மறுக்கும் இம்மதங்களை, கடவுள்கள் மறுபிறப்பெடுக்கும் இந்திய வழியில் கதை சொல்கிறது இப்புத்தகம். எனக்கு கிரேக்க வழியில் இம்மூன்று மதங்களைக் கேட்டறிய வேண்டும் என்ற ஆவலுண்டு. ஏதாவது புத்தகம் இருந்தால் சொல்லுங்கள். நிறைய மதங்களைப் படியுங்கள் மதமற்று வாழ!

(முகமது நபியைச் சொர்க்கத்திற்குச் சுமந்து சென்ற பறவை)

அனுபந்தம்:
—————-

1. யூதம் அறிய முகில் அவர்களின் யூதர்கள் புத்தகம் படிக்கலாம். இத்தளத்தில் 36ம் புத்தகம்.
2. இயேசுவை மட்டும் அறிய கண்ணதாசனின் ‘இயேசு காவியம்’ படியுங்கள்.
3. என்னைக் கவிதை உலகிற்குள் இழுத்தவர்கள் வைரமுத்து, கவிக்கோ அப்துல் ரகுமான். ‘பாலை நிலா’ என்ற தலைப்பில் கவிக்கோ அவர்கள், முகமது நபி பற்றி கவிதை வடிவில் எழுத ஆரம்பித்தார். சில உதாரண கவிதைகள் அவருக்கே உரிய நடையில் அட்டகாசம்! அவர் மறைவிற்குப் பின், பதிப்பகத்தாரை விசாரித்தேன். அந்நூல் நிறைவேறவே இல்லை என்பது தமிழுக்குப் பேரிழப்பு.

– ஞானசேகர்
(http://jssekar.blogspot.com/)

சிங்கப்பூர் நூலகங்களில் படித்த புத்தகம் – 6

இன்று போல் அல்லாமல் அரசியல் தொழில்நுட்பத்துடன் சினிமா முரண்டு பிடித்துக் கொண்டிருந்த காலம் அது. உள்ளே எந்த அந்நிய வஸ்துவின் பூர்விகமே இருக்கலாம், ஆனால் கண்டிப்பாக தலைப்பு தமிழில் தான் இருக்க வேண்டும் என்று முழங்கிய காலத்தில் ‘மும்பை எக்ஸ்பிரஸ்’ என்ற பெயருடன் ஒரு தமிழ்ப்படம் வந்தது. திருட்டு விசிடிகளில் இருந்து தப்பிக்க, தமிழில் இரண்டாவது டிஜிட்டல் திரைப்படம் என நினைக்கிறேன். திருச்சி மீனா திரையரங்கில் பார்த்தேன். இன்றும் நான் அடிக்கடி யூடியூப்பில் பார்க்கும் திரைப்படம் அது. Black comedy வகை நகைச்சுவை புரியாமை, டிஜிட்டல் தொழில்நுட்பத்தால் கொஞ்சம் கருப்படித்த காட்சிகள், உலக தரத்தில் கலவியைக் காட்டும் கதாநாயகன் கதாநாயகியைக் கட்டி கூட பிடிக்காத ஏமாற்றம் என பல காரணங்களால் அப்படம் தோல்வி. தமிழர்கள் சிரிக்காத சிடுமூஞ்சிகளாகி விட்டார்கள் என ஒரு பிரபல எழுத்தாளர் ஒரு பிரபல வார இதழில் எழுதினார்.

இன்று அரசியல் தொழில்நுட்பத்துடன் சினிமா கைகோர்த்து செல்லும் காலம். வாழை என்ற பெயரில் தமிழிலும் மலையாளத்திலும் இரண்டு திரைப்படங்கள் ஒரே நேரத்தில் ஓடின. நான் தமிழில் பார்த்து வந்துவிட்டேன். ஒரு சாதாரண திரைப்படம். பள்ளி வீடு தெரு வரப்பு லாரி என வாழைத்தொழில் பற்றி யார் வேண்டுமானாலும் சொல்லலாம். ஒரு சாதாரண வாசகன் நுழைய முடியாத பகுதியைச் சினிமா என்ற காட்சி ஊடகம் காட்ட வேண்டும். பிச்சைக்காரர்கள் வாழ்விடம் காட்டிய ‘நான் கடவுள்’ மிகச் சிறந்த உதாரணம். நம்மால் செல்ல முடியாத இடம் வாழைத்தோப்பு. தோப்புக்குள் சொல்லப்படாத கதை, தென்னை மரம் என தலைப்பிட்டு மாட்டின் பெருமைகளைச் சொல்லி, கடைசியில் அப்பெருமைகள் மிக்க மாட்டைத் தென்னை மரத்தில் கட்டிப்போட்டது போல. யூடியூப்பில் பார்த்தால், தமிழின் ஆகச்சிறந்த காவியம், கண்ணீர் வடிக்காதவன் மனிதநேயம் இல்லாதவன் என்ற வகையில் கருத்துகள். அந்த நேரத்தில் தனது படம் வெளிவர வேண்டிய மற்றவர்கள் எல்லாம் மாற்றி மாற்றி அழுகிறார்கள். நான் சிடுமூஞ்சி இல்லாதவனும் இல்லை, மனிதநேயம் இல்லாதவனும் இல்லை என்று யாராவது கேட்டால் எப்படி நிரூபிப்பது?

சோ. தர்மன் அவர்களின் சிறுகதை ஒன்றுதான் வாழை திரைப்படம் என்றொரு குற்றச்சாட்டு. அவரின் கூகை புதினம் ஏற்கனவே படித்திருக்கிறேன். தனது ‘நீர்ப்பழி’ சிறுகதை தொகுப்பில் ‘வாழையடி’ என்ற இரண்டாவது சிறுகதை அப்படியே திரைப்படத்தில் இருக்கிறது என்று அவரும் பேட்டியளித்தார். நான் அப்போது படித்துக் கொண்டிருந்த புத்தகங்களில் நீர்ப்பழியும் ஒன்று. ஐந்து கதைகளுக்கு மேல் படித்திருந்த எனக்கு, அக்கதை இத்திரைப்படத்தை நினைவுபடுத்தவே இல்லை. ஒரு சாதாரண கதைதான். மொத்தம் 68 சிறுகதைகள் கொண்ட இத்தொகுப்பில் முதல் 8 கதைகள் ஒட்டவேயில்லை. வேறோர் ஆசிரியராக இருந்தால் அத்தோடு நிறுத்தியிருப்பேன். சோ.தர்மன் அவர்களை உங்களில் பலருக்கு அறிமுகப்படுத்தும் பதிவாகட்டும்.
—————————————————————————————————————————————————————————————————————————
புத்தகம்: நீர்ப்பழி
ஆசிரியர்: சோ. தர்மன்
வெளியீடு: அடையாளம்
முதல் ஈடு: 2020
பக்கங்கள்: 557
விலை: 500 ரூபாய்
படித்த இடங்கள்: எனது அறை, இரயில், பேருந்து, Jurong East, Woodlands, Bedok, Choa Chu Kang, Serangoon நூலகங்கள்
—————————————————————————————————————————————————————————————————————————
பிடித்த கதைகள்: குருத்து, உதிரப்பூ, தவம், மாடுகள், மருந்து, ஊழ், அவஸ்தை, சாபம், நீர்ப்பழி, நிழல் பாவைகள், ராஜமாதா, இரவின் மரணம், மனுஷம், சார் போஸ்ட், மனம், சிகிச்சை, வலைகள், மிதவை, நாசி

பிடிக்காத கதைகள்: (அறிவியலுக்குப் புறம்பான) அழுக்கு, (ஏமாற்றுபவன் பெண்டிரை ஏமாற்றலாம் எனும்) கோணல்கள், பார்த்துக் கொண்டிருக்கும் பிரபஞ்சம், அன்பின் சிப்பி, வாதை

பிடிக்காத சில பகுதிகளை வெட்டினால் பிடிக்கும் கதைகள்: சங்கிலி, மையல் சிப்பி, சத்தியங்கள்

சுயேச்சை இறந்தால் தேர்தல் ரத்தாகாது; காவல்துறையில் இருந்து ஓய்வுபெறும் நாய்கள் ஏலம்விடுவது தடை. இவ்விரு அறிவிப்புகளை வைத்து பின்னப்பட்ட இரு கதைகள் அருமை. இறந்து போன ஒரு சிறுவனைக் காசில்லாமல் இரவுப் பேருந்தில் மறைத்து கொண்டு போகும் இரு பெண்கள், உடன் பயணிக்கும் நீங்கள் கண்டுபிடித்தால் என்ன செய்வீர்கள்? பிள்ளைகளை விட்டுவிட்டு காதலனுடன் ஓடிப் போனவளின் வம்சம் அவளைக் கடவுளாகக் கும்பிட காரணம் என்ன இருக்கக் கூடும்? சோகவனம், அவஸ்தை, சாபம், நடப்பு, வதை போன்ற கதைகள் சொல்லப்பட்ட விதம் அருமை. வேட்டாபிஸ், கால்நடை மேய்ப்பவர்கள், மண்வெட்டிகள், சவரக்காரர் என வேலை செய்யும் இடங்களில் இருக்கும் சிக்கல்களை அவ்வேலைகளுக்கே உரிய சொல்லாடல்களுடன் சொல்லும் சிறுகதைகள் இத்தொகுப்பின் சிறந்த கதைகள். பருவம் திறந்து உதிரம் வெளியேறியது கூட தெரியாமல் சாயப்பட்டறையில் வேலை செய்யும் சிறுமி. வாழை திரைப்படம் சொல்லாத வாழை சுமப்பவர்களைச் சுரண்டிய வில்லை (டோக்கன்). குழந்தைகளின் கால்முட்டி தேயும் தீப்பெட்டி தொழிற்சாலைகள்.

தேனீக்களின் கொட்டு வாங்காமல் நல்ல பாம்பு தேன் குடிக்கும் என்பது எனக்கு இத்தொகுப்பில் ஒரு கதையில் படித்துதான் தெரியும். இத்தொகுப்பின் தலைப்பான ‘நீர்ப்பழி’ என்ற கதை போல, நீதியைச் சிதைப்பவர்களை விதி தண்டித்தால் எவ்வளவு நலமாய் இருக்கும்! நீங்களும் படித்துப் பாருங்கள்.

– ஞானசேகர்
(http://jssekar.blogspot.com/)

உலகின் கடைசி மனிதன் தனியாக இருந்தபோது யாரோ கதவைத் தட்டும் சத்தம் கேட்டது.
– மிகச்சிறிய சஸ்பென்ஸ் கதையாக சுஜாதா சொன்னது

தாண்டவராயன் கதை படித்த பிறகு கொஞ்சம் திமிர் தலைக்கனம் எகத்தாளம். எந்தப் புதினத்தை எடுத்தாலும் ஒட்டவேயில்லை. மிகவும் கடினப்பட்டு மூன்றில் ஒரு பங்கான 180 பக்கங்கள் படித்தபிறகு, ஒரு தமிழ்ப் புதினத்தைச் சென்றவாரம் தான் நிரந்தரமாக மூடி வைத்துவிட்டேன். இந்த விபத்தில் இருந்து மீண்டு வருவதற்கு எனக்குப் பல காலங்கள் ஆகும். இதனால் தான் நான் புதினங்கள் படிப்பதேயில்லை. இப்படி பலமுறை எனக்கு முன்னர் நடந்திருக்கிறது. அந்நேரங்களில் என்னை மீட்டெடுக்க எப்போதும் என்னிடம் திருக்குறள் உண்டு. அப்பறம் அகதா கிறிஸ்டி. நான் தமிழ்ப் புதினங்களால் கொல்லப்படும்போது, நான் அந்த அம்மாவின் ஆங்கிலத் துப்பறியும் புதினங்களைப் படிப்பதுண்டு. விரசம் கலவி முத்தம் ஏதும் இருக்காது. கதாநாயகன் துப்பாக்கி எடுத்து சண்டை போட மாட்டார். எழுத்தில் கவிதை நடையோடும். மூளைக்கு வேலைதரும் கதைக்களங்கள்.
—————————————————————————————————————————————————————————————————————————
புத்தகம்: And then there were none
ஆசிரியர்: Agatha Christie
வெளியீடு: Harper Hollins
முதல் ஈடு: 1939
பக்கங்கள்: 250
விலை: ரூபாய் 299
வாங்கிய இடம்: Amazon.com
—————————————————————————————————————————————————————————————————————————
Longest uncut single-shot Tamil movie. அகரம் என்றொரு தமிழ்ப்படம் வந்தது. வெட்டு இல்லாமல் எடுக்கப்பட்ட மிக நீண்ட தமிழ்ப்படம். அதாவது முதல் காட்சியில் ஒளிப்பதிவாளர் கேமராவை ஆன் செய்தால், கடைசி காட்சியில் தான் ஆஃப் செய்வார். கேமரா நகரும், இடையிடையில் கதாப்பாத்திரங்கள் கேமராவின் எல்லைக்குள் வந்துவந்து நடித்துவிட்டு போவார்கள். கடினம்தான். சென்னையில் சத்யம் திரையரங்கில் பார்த்தேன். என்னைத் தவிர அநேகமாக மற்றவர்கள் எல்லாம் அப்படம் சம்மந்தப்பட்டவர்கள் நண்பர்கள் உறவினர்கள். படம் முழுக்க நொய்நொய்யென்று பேசிக்கொண்டே இருந்தார்கள். கடுப்பாகி எழுந்து போகக்கூட நினைத்தேன். ஒரு கேள்விக்கு விடைகிடைக்க கடைசி வரை பொறுமையாகப் பார்த்தேன். காரணமில்லாமல் ஒவ்வொரு கொலையாக நடக்கும் அந்த த்ரில்லர் திரைப்படத்தில் கண்டிப்பாக ஒரு பிளாஷ்பேக் இருக்கும். வெட்டு இல்லாமல் கடந்தகால, நிகழ்கால காட்சிகளை இணைத்து எப்படி சொல்வார்கள்? உண்மையிலேயே அக்காட்சியை நன்றாக எடுத்து இருந்தார்கள்.

And then there were none. அப்பறம் அங்கு யாருமேயில்லை. ஒரு தீவு. ஒருவருக்கொருவர் அறிமுகம் இல்லாத 10 பேர் அங்கு ஒரே நாளில் வரவழைக்கப்படுகிறார்கள். 3 பெண்கள், 7 ஆண்கள். 10 பேரும் ஒவ்வொருவராக வெவ்வேறு முறைகளில் சாவதாக, அவர்கள் தங்கும் அறை ஒவ்வொன்றிலும் பள்ளிக் குழந்தைகள் பாடல் ஒன்று இருக்கிறது. வந்த இரவே அடுத்தடுத்து இருவர் மர்மமாக மரணிக்கின்றனர். அப்பாடல் போல ஒவ்வொருவராக இறந்து, கடைசியில் யாருமே இல்லாமல் போகப் போகிறார்கள் என அவர்களுக்குப் புரிந்து சுதாரிக்கிறார்கள். அதுவே நடக்கிறது. அப்பறம் அங்கு யாருமேயில்லை. 9 பேரைக் கொன்றுவிட்டு, ஒரு பிளாஸ்பேக் சொல்லி கடைசியில் தற்கொலை செய்து கொள்ளும் மொக்கை கதையை அந்த அம்மா எழுத மாட்டார். அதிகப் பிரசங்கித்தனமாக புதினத்தின் கடைசி பக்கம் போய், கடைசி வரியைப் படித்தால் கொலைகாரன்/ரி பெயர் இருக்கிறது. நான் படிக்கும்போது, அகரம் திரைப்படம் போல எனக்கு கொலை செய்வது யாரென்று முக்கியமாகப் படவேயில்லை. அதைவிட முக்கியமான ஒன்றை அந்த அம்மா இக்கதையில் வைக்கவேயில்லை. அதைத் தேடித்தான் புதினத்தைப் படித்து முடித்தேவிட்டேன். அதுதான் கதைசொல்லியின் வெற்றி! நான் இதுவரை படித்த அகதா கிறிஸ்டி புதினங்களில், எனக்கு மிகவும் பிடித்தது இதுதான். சுவர் இல்லாமல் சித்திரம் வரையும் கதை!

மனைவி பிணம் இருக்க, கணவன் மற்றவர்களுக்கு உணவு சமைக்கிறான். செத்தவர்களை அவரவர் அறைகளில் பூட்டி வைத்துவிட்டு, சாகப்போகிறவர்கள் சாப்பிட்டு சரக்கடித்து பேசிக் கொண்டே இருக்கிறார்கள். என்ன இந்த அம்மா இப்படி லாஜிக் இல்லாமல் கதை சொல்கிறது என்று யோசித்தால், அதற்கெல்லாம் பதில் வருகிறது. நண்பனின் மனைவியை அபகரிக்கும் மிகச் சிறந்த ஆன்மிகவாதி ஒருவன், எல்லா நாட்களும் கோவிலுக்குப் போகிறான், தாவீது தன் தளபதி மனைவியை அபகரிக்கும் திருப்பலி வாசகம் வாசிக்கப்படும் நாள் தவிர, என்று அந்த அம்மா எழுதும் போது, புத்தகத்தை மூடி வைத்துவிட்டு ரசித்து சிரிக்காமல் இருக்க முடியவில்லை.

ஒரே பெண், 4 ஆண்கள் இருக்கும் நிலையில் யார் கொலையாளி என்று எல்லார் மேலும் எல்லாருக்கும் சந்தேகம். எல்லாருடைய உடைமைகளையும் சோதனை செய்கிறார்கள். ஒவ்வொருவர் உடலையும் சோதனையிட வேண்டிய கட்டாயம். இப்படி கதை வைத்து, அந்த 4 ஆண்கள் அந்த ஒரு பெண்ணை நம்மூர் சினிமாவில் என்ன செய்வார்கள் என்று உங்களுக்குத் தெரியும். புது வசந்தம் திரைப்படம் தவிர! அடுத்து சாவை வைத்துக் கொண்டு கடைசியில் ஒரு ஆண், ஒரு பெண் மட்டும் மிஞ்சினால் சட்டுபுட்டென்று ஆகவேண்டிய காரியத்தைப் பார்க்க நாம் ஓர் உடன்படிக்கைக்கு வருவோம். இந்த அம்மா இவ்விரண்டு இடங்களையும் மிக எளிமையாக கடந்து போகிறது.

அப்பறம் அங்கு யாருமேயில்லை என்றாவதற்கு முன்னர், நீங்களும் ஒருமுறை படித்துவிடுங்கள். நானும் அடுத்த தமிழ்ப் புதினத்தின் விபத்தில் இருந்து என்னைக் காப்பாற்ற, இன்னொரு அகதா கிறிஸ்டி புத்தகம் வாங்க வேண்டும்.

– ஞானசேகர்
(http://jssekar.blogspot.com/)

கொடுத்த வேலையைத் தவிர உறுப்புகள் வேறு எதையாவது செய்தால், மூளை கடுமையான தண்டனை தரும். வயலின் கிடார் போன்ற இசைக்கருவிகளைத் தொழில்ரீதியில் பயன்படுத்தி சில விரல்களை அதிகமாக பயன்படுத்தும்போது, இசையறிவு இல்லாத மூளை ஏதோ தப்பென்று புரிந்து எதிர்வினையாற்றும். என்ன செய்யும் தெரியுமா? தெரியாவிட்டால் விட்டுவிடுங்கள். சில விடயங்களை அதிகம் ஆராய தேவையில்லை. பிறகு சூப்பர் சிங்கர்கள் பஞ்சம் வந்துவிடும். இப்புத்தகத்தின் தலைப்பைப் பார்த்து அப்படிப்பட்ட புத்தகம் என்று நினைத்தேன். சாம் கின் அவர்களின் அனைத்து புத்தகங்களையும் படிப்பவன் நான். விலைதான் அதிகம். அழகு யுவதிகள் சூழ டிராமில் பயணித்து, மெல்பேர்ன் நகர பல்கலைக்கழக நூலகத்தில் இப்புத்தகம் இருப்பதைக் கண்டுபிடித்து, புரட்டினேன். A T C G. புரியவில்லையா?

வாட்சன் கிரீக் என்ற இருவர் கண்டுபிடித்து சொன்னதாக பள்ளியில் படித்தது. மனித செல்லிற்குள் இருக்கும் உட்கருவில் ஏணிப்படிகள் போல் சுருள் சுருளாகச் சுற்றிக் கொண்டிருக்கும் சமாச்சாரத்தில் இருக்கும் அமிலங்கள். DNA RNA ஜீன்ஸ் குரோமசோம் பற்றிய புத்தகம் இது. இந்த விடயங்கள் இன்னதென்று தெரியாமல் இந்த நான்கு வருடங்களில் சீரழிந்தவர்கள் பார்த்திருப்பீர்கள். அதனால் பணக்காரன் பட்டியலில் டக்கென்று இடம்பெற்றவர்களைப் படித்திருப்பீர்கள். அப்பறம் விருதுகள். அவர்கள் மனைவிகள் ஓபன் டென்னிஸ் பார்ப்பதைக் குளோசப் படங்களாக ஊடகங்கள் துரத்தியத்தைக் கண்டிருப்பீர்கள். நிகழ்கால எதார்த்தம்!

ஒரு காலத்தில் X குரோமசோம் மட்டும்தான் இருந்தது. அதாவது பெண் மட்டும்தான். பாலினத்தையும் கொண்டிருக்கும் 23வது குரோமசோமில் ஏதோ தவறாகி Y தோன்றி, ஆண் இனம் தோன்றிவிட்டது. தவறை இயற்கை ஏற்கனவே சரிசெய்ய ஆரம்பித்துவிட்டதாக போனவாரம் செய்திகள் செப்பின. அதாவது ஆண் இனத்தைக் களையெடுக்கிறதாம் இயற்கை! உலக அரசியலில் சிக்குண்டாலும் சாமானியனும் அச்சமாச்சாரங்களைத் தெரிந்து கொள்ள வேண்டும். அவனுக்குப் புரியும்படி எழுதும் சாம் கீன் புத்தகம் இது.
—————————————————————————————————————————————————————————————————————————
புத்தகம்: The Violinist’s Thumb
ஆசிரியர்: Sam Kean
—————————————————————————————————————————————————————————————————————————
ஒருமட மாதும் ஒருவனும் ஒன்றாகி இன்ப சுகம் கண்டு, ஆண் உயிரணுக்கள் பெண்ணிற்குள் வந்தால், அங்கு பெண்ணின் எதிர்ப்பு சக்தி செல்கள் தடுத்து நிறுத்தும். அவற்றை ஏமாற்றி செல்ல ஏற்கனவே ஆண் சில மாறுவேட வஸ்துகளையும் சேர்த்தே கொண்டுவரும். பிறகு உடன்படிக்கைபடி கருவில் ஒரே ஒரு செல்லாக உயிர்கள் தரிக்கின்றன. அந்த ஒரு செல் எப்படி, கண் காது மூக்கு நகம் முடி மூளை எலும்பு பீழை என்று பல வடிவம் பெறுகிறது? அந்த ஒரு செல்லிற்கு, ஒருபக்க உடலை ஜெராக்ஸ் எடுத்து மறுபக்கமும் இன்னொரு கை கால் வைக்க எப்படி தெரிகிறது? அப்படி இரட்டையாக வைத்தபின்னும் ஒருபக்க சிறுநீரகத்தைக் கொஞ்சம் ஏற்றியும், ஒருபக்க நுரையீரலைக் கொஞ்சம் இறக்கியும் வைக்க எப்படி தெரிந்து கொண்டது? பெண் வயிற்றில் கரு வளரும்போது மருத்துவரிடம் சோதனைக்குச் செல்கிறீர்கள். குடும்ப உறுப்பினர்களின் நோய்களின் வரலாற்றைக் கேட்கிறார். மாமனாரின் மொத்த வரலாற்றை எதற்காக கேட்கிறார்? கணவனைவிட அவரின் தந்தைக்கும் பிறக்கப்போகும் குழந்தைக்கும் என்ன அப்படி தொடர்பு?

நிறைய இருப்பதால் நேரடியாக இப்புத்தகத்தில் இருந்து சில குறிப்புகளைப் பட்டியலிடுகிறேன்.

1. குரோம்சோம்களின் பெயர்கள் 1 2 3 … 23 என எண்கள்தான். ஆனால் ஜீன்களுக்குப் பெயர்களுண்டு என சில உதாரணங்கள் சொல்கிறார் ஆசிரியர். எல்லாம் காரணப் பெயர்கள். தலைப்பிள்ளைகள் இறந்தே பிறக்க காரணமான ஜீன், மூன்றாவது முலைக்காம்பு கொடுக்கும் ஜீன், Pokemon போன்றவற்றை மிகவும் ரசித்தேன்.
   
2. கூட்டி பெருக்கினால் 64 இருக்க வேண்டுமே. ஏன் 20 அமிலங்கள் மட்டும் மனித செல்லிற்குள் இருக்கின்றன? இன்றைக்கு பத்து வயது பையன் கூட பதில் சொல்வான். ஆனால் அதைக் கண்டுபிடிக்க, வெவ்வேறு துறைகளில் பலரைக் கொண்டு 20 குழுக்கள் அமைத்து ஆராய்ந்து நோபல் பரிசு வாங்கி இருக்கிறார்கள்! RNA tie club.
   
3. ஆண் பெண் பாலுறவு. இந்த டிசைனில் அதிகம் சந்தோசம் அடைவது யார்? பாதிக்கப்படுவது யார்? காலங்காலமாக இந்த சந்தேகம் உண்டு. ஆணாகவும் பெண்ணாகவும் வாழ்ந்த அர்ச்சுனனைப் பிடித்துக்கூட கேட்டிருக்கிறார்கள். எல்லாம் தெரிந்தவர் என்று, இரத்த வெள்ளத்தில் சாக கிடந்த பிதாமகனிடம், பல கேள்விகள் கேட்டு குறிப்புகள் எடுத்துக் கொண்டபோது, தவறாமல் இடம்பெற்ற கேள்வியிது. அந்த ஆள் அதற்கும் சலிக்காமல் பதில் சொல்லியிருக்கிறார்! Million dollar question! நாம் என்ன கதைகள் வேண்டுமானாலும் சொல்லிக் கொள்ளலாம். இயற்கைக்கு ஒரு கணக்குண்டு. கர்ப்பம் கர்ப்பகாலம். ஒன்று இன்னொன்றைப் பாதிக்கும். ஆணுக்கு ஒன்று தேவை என்றால், பெண்ணிற்கு இன்னொன்று. அதைத் தீர்மானிப்பதும் ஒரு ஜீன். விஷமும் ஜீனே, விஷமுறிவும் ஜீனே!
   
4. மனிதன் பாலூட்டியாக உருவெடுத்த போது, இனிமேல் தேவையில்லை என இன்னும் நம்முள் தூங்கிக் கொண்டிருக்கும் ஜீன்களைப் பட்டியலிடுகிறார். குளுக்கோஸ் அடுத்து இன்று நாம் அதிகம் எடுக்கும் சர்க்கரை லாக்டோஸ். பாலில் இருக்கிறது. நம் முன்னோர்களுக்கு அதைச் செரிக்கும் சக்தி கிடையாது. அலர்ஜி. அந்த அலர்ஜி ஜீன் அமைதியாகிவிட்டது. Lactose tolerance. திடீரென யாராவது வந்துவிட்டால் தடால்புடால் என்று எழுந்து சரிசெய்து ஒன்றுமே நடக்காதது போல் இருந்து கொள்கிறோம். சில விலங்குகள் போல் கல்லடி வாங்குவதில்லை. அதிலும் ஒரு ஜீன். பாலூட்டியானதால் ஏற்கனவே இருக்கும் ஜீன்கள் எப்படி திணறுகின்றன என இன்னொரு பட்டியல். வெள்ளைத்தோல் சூரிய ஒளிக்குப் புண்ணாவது ஒரு ஜீனால். தான் வரும் முன் தன் பெருமைகளைச் சொல்லச் சொல்லும் அரசியல்வாதி ஜீன் ஒன்று.
   
5. எந்த தொழில்நுட்பமும் இல்லாத காலத்தில் பரம்பரை புகைப்படங்களை மட்டும் வைத்து அறிவியல் படித்த Hapsburg lip!
   
6. பின்னிப் பிணைந்து இரட்டையாகவே சுருள்சுருளாக போகும் DNA, BJP RSS போல் சிக்கிக் கொள்வதுபோல் பார்வைக்குத் தெரிந்தாலும் அவை எப்படி சிக்கிக் கொள்வதில்லை? உச்சி வழுக்கை முதல் கால்நகம் வரை எப்படி சரியான தகவலைப் பரம்பரைக்கு கடத்துகின்றன? Knot theory. அதை இரண்டு முறை படித்துவிட்டு குழம்பிப் போய் திரிந்தேன்! ஒருவேளை தகவல்கள் தவறாக புரிந்துகொள்ளப் பட்டால்? Philadelphia swap.
   
7. வாயும் வயிறுமாய் இருக்கும்போது குங்குமப்பூ அது இதுவென பெண்தான் கருவை ஊட்டி வளர்கிறாள். ஊரான் பிள்ளையை ஊட்டி வளக்கணும்டா, அப்பதான் உன் பிள்ளை தானாய் வளருமென்று ஆணிற்குச் சொல்லிவிட்டு அவனை அடுத்தவேளை பார்க்கச் சொல்கிறது. இப்படி காரியம் முடிந்தவுடன் கடமை முடிந்ததென காலங்காலமாக திரும்பிப் படுத்துக் கொள்ளும் ஆணுக்கும், பிறக்கப்போகும் குழந்தையின் உடல் நலனுக்கும் சம்மந்தமே இல்லையென்ற நம்பிக்கையைப் பொய்யாக்கிய கதை. ஒரு கிராமத்தையே நூறாண்டுகளுக்கு மேல் ஆராய்ந்து கண்டுபிடித்த விடயம்!
   
8. ஒத்த சிந்தனையுடைய பெண்களுக்கு ஒரே நேரத்தில் மாதவிலக்காகிறது என்று முடியாட்சிகளில் அந்தப்புர பெண்கள் நம்பியதை முன்னொரு புத்தகத்தில் சொல்லியிருந்தேன். அறிவியல் ஆராய்ச்சி என்ற பெயரில் செய்தவைகள் பட்டியலில் இப்புத்தகத்தில் வருகிறது. குரங்குகளை மனிதனுடன் கலப்பது! புனிதரின் இரத்தம் என்று வவ்வாலின் முத்திரத்தை வைத்தது! புலியின் மேல் சிங்கம், சிங்கம் மேல் புலி, உயர்தர ஜீன்களுடன் குடிமக்கள், அசுர பலத்துடன் போர்வீரர்கள், எக்ஸெட்ரா எக்ஸெட்ரா. இயேசுவை மீண்டும் உருவாக்கலாம் என்ற பேச்சு வந்தபோது இன்னொரு விஞ்ஞானி சொன்னாராம்: You are trying to bring back one of the few people that are supposed to come back anyway.
   
9. நீங்கள் ஈரல் அதிகம் சாப்பிடுவீர்களா? மூத்திரத்துடனும் முரண்டு பிடிக்கும் விட்டமின் A நல்லவரா? கெட்டவரா?

சாம் கின் புத்தகங்களில் நான் மிகவும் கடினப்பட்டு படித்தது இதுதான். சில பகுதிகள் எனக்கு புரியவில்லை; தேடி புரிந்து கொள்ள பொறுமையும் நேரமும் இல்லை. அவரின் Iceberg surgeons என்ற புத்தகத்தைச் சிங்கப்பூர் நூலகங்களில் கண்டுபிடித்து படித்தேன். இரண்டு கட்டுரைகளுக்கு மேல் ஒட்டவில்லை. வைத்துவிட்டேன். Violinist’s Thumbல் நான் மிகவும் ரசித்த மூன்று விடயங்களுடன் முடித்துக் கொள்கிறேன்.

1. ஒரு விலங்கின் ஜீன் இன்னொரு வேறொரு விலங்கின் ஜீனை எப்படி ஆக்கிரமிக்கிறது என்ற கட்டுரை! பிரமித்துப் போனேன். பூனையின் சிறுநீரைப் பார்க்கவே முடியாது என்று கிராமங்களில் சொல்லக் கேட்டிருக்கிறேன். பூனையின் உடலுறவைப் பார்த்த அதிர்ஷ்டத்தால் தான் பிரதமரானதாக ஒருவரின் கதையுமுண்டு. பூனைகள் உங்களின் செல்லப்பிராணி என்றால், இப்புத்தகம் உங்களுக்குப் பிடிக்காது! அதுவே பூனைகளின் வெற்றி.
   
2. ஐன்ஸ்டின் மூளையை விஞ்ஞானம் பதப்படுத்தி வைத்திருக்கிறது என்று இயற்பியல் ஆசிரியர் டேவிட் ராஜ் அவர்கள் சொன்னதில் இருந்து தெரியும். இத்தளத்தின் 150வது புத்தகத்தில் ஒருவரி சொல்லாத ஆசிரியர், ஐன்ஸ்டின் மூளைக்கு இப்புத்தகத்தில் ஒரு கட்டுரையே ஒதுக்கி இருக்கிறார். அடேயப்பா!
   
3. இப்புத்தகத்தின் தலை சிறந்த பகுதியே, புத்தகத்தின் தலைப்பைக் கொடுத்த அந்த வயலின் மேதை கதைதான்!

ஜீன் என்பது மொழி வேதியியல் கணக்கு நிகழ்தகவு தேற்றம் விதி அறிவியல் மரபியல் தகவல் வரலாறு வினையூக்கி பெயர்ச்சொல் ஆகுபெயர் மங்களவழக்கு இடக்கரடக்கல் தொகை தளை தலைமுறை வினையாலணையும்பெயர் பணம் அரசியல் நீ நான் அது இது எல்லாம்! ஏழாம் அறிவு படம்போல தலைமுறைக்கு அறிவைக் கடத்த முடியுமா? குலவித்தை கல்லாமல் பாகம்படுமா? ஆட்டுக்கும் அளந்துதான் வைத்ததா கொம்பை? அறிவுடை மாந்தரும் கற்புடை பெண்டிரும் ஒரு சாதியில் மட்டும்தான் பிறப்பார்களா? கடவுளால் தேர்ந்தெடுக்கப்பட்ட இனம் என்றொன்றுண்டா? படித்துப் பாருங்கள்!

– ஞானசேகர்
(http://jssekar.blogspot.com/)